قازاقستاندىقتاردىڭ سالىق قارىزى 24,3 ميلليارد تەڭگەگە جەتتى

بۇل تۋرالى ق ر ق م مەملەكەتتىك كىرىستەر كوميتەتى حابارلادى.

ولاردىڭ ىشىندە كولىك قۇرالدارى سالىعى بويىنشا سالىق مىندەتتەمەلەرىنەن جالتارعان اۆتوكولىك يەلەرىنىڭ ەڭ كوپ سانى كەلەسى وڭىرلەردە تىركەلگەن: ​الماتى قالاسىندا - 88 مىڭ بورىشكەر بويىنشا بەرەشەك 5,2 ميلليارد تەڭگەنى قۇرايدى؛ الماتى وبلىسى - 132 مىڭ بورىشكەر بويىنشا بەرەشەك 3,9 ميلليارد تەڭگەنى قۇرايدى؛ نۇر- سۇلتان جانە شىمكەنت قالالارىندا - تيىسىنشە 2,6 ميلليارد تەڭگە جانە 1,9 ميلليارد تەڭگە بەرەشەگى بار 76 مىڭ بورىشكەردەن.

2021 -جىلعا جەكە تۇلعالاردىڭ كولىك قۇرالدارىنا سالىق تولەۋ مەرزىمى 2022 -جىلعى 1- ساۋىردە اياقتالعانىن ەسكە سالامىز. 2022 -جىلعى 17- مامىردان باستاپ سالىق سوماسىن ۋاقتىلى تولەمەگەن تۇلعالارعا 1 ا ە ك- تەن جوعارى بەرەشەك سومالارى بويىنشا جەكە تۇلعانىڭ بەرەشەگىن ءوندىرىپ الۋ تۋرالى سالىق بۇيرىقتارىن جولداۋ باستالدى. بەرەشەك تولەنبەگەن جاعدايدا سالىق بۇيرىعى تابىس ەتىلگەن كۇننەن كەيىن 5 جۇمىس كۇنى وتكەن سوڭ، جەكە سوت ورىنداۋشىلارىنىڭ وڭىرلىك پالاتاسىنا ماجبۇرلەپ ورىنداتۋعا جىبەرىلەدى. ءوز كەزەگىندە، جەكە سوت ورىنداۋشىلارى «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى «قازاقستان رەسپۋبليكاسىنىڭ زاڭىنا سايكەس بانك شوتتارى مەن مۇلكىنە تىيىم سالۋ تۇرىندە ماجبۇرلەپ ءوندىرىپ الۋ شارالارىن قولدانۋعا قۇقىعى بار. ەگەر قارىز 40 ا ە ك- تەن اسسا، ازاماتقا ەلدەن شىعۋعا تىيىم سالىنۋى مۇمكىن. ق ر شىعۋعا تىيىم سالۋ تۋرالى اقپاراتتى سىلتەمە ارقىلى بىلۋگە بولادى https://aisoip.adilet.gov.kz/debtors.

جازعى كانيكۋل جانە دەمالىس ماۋسىمى كەزىندە جاعىمسىز سالدارلاردى بولدىرماۋ ءۇشىن كوميتەت سالىق بەرەشەگى بولعان جاعدايدا ۋاقىتىلى تولەم جۇرگىزۋدى ۇسىنادى. سالىق بويىنشا بەرەشەكتىڭ بار/جوق ەكەندىگى تۋرالى مالىمەتتەردى E-Salyq Azamat موبيلدى قوسىمشاسىنىڭ قويىندىسى ەلەكتروندى سەرۆيستەر→سالىق جانە الەۋمەتتىك تولەمدەر بويىنشا بەرەشەك تۋرالى قىزمەتى→ج س ن- دى ەنگىزۋ ارقىلى تەكسەرۋگە بولادى. E-Salyq Azamat موبيلدى قوسىمشاسىن سىلتەمە ارقىلى ورناتۋعا بولادى.