+7 (701) 759 90 19
8 °С : نۇر-سۇلتان
20 °С : الماتى
USD 423.95 EUR 495.81
RUB 5.84 CNY 65.6
جاڭالىقتار

24 جاستاعى المات ءجۇنىسوۆ 26 توننالىق ۇشاقتى سۇيرەپ، ورنىنان قوزعادى

30 شىلدە 22:02
:ءبولىسۋ
24 جاستاعى المات ءجۇنىسوۆ 26 توننالىق ۇشاقتى سۇيرەپ، ورنىنان قوزعادى

نۇر- سۇلتان. قازاقپارات - بۇگىن نۇرسۇلتان نازاربايەۆ حالىقارالىق اۋەجايىندا ەرەكشە رەكورد تىركەلە جازدادى. 24 جاستاعى الىپ كۇش يەسى المات ءجۇنىسوۆ 26 توننالىق ۇشاقتى سۇيرەپ، رەكورد ورناتۋعا تالپىنىپ كورگەن بولاتىن، دەپ حابارلايدى قازاقپارات ءتىلشىسى.

1996 -جىلى تۋعان المات ءجۇنىسوۆ بۇعان دەيىن پويىز لوكوموتيۆىن سۇيرەپ، رەكورد ورناتقان ەكەن. سودان اۋىر كولىككە دەگەن اۋەستىگى ارتسا كەرەك، بۇگىن سالماعى 26 توننا بولاتىن ۇشاقتى سۇيرەپ كوردى. شارا قازاقستان تاۋەلسىزدىگىنىڭ 30 جىلدىعى مەن توكيو تورىندە باق سىناپ جاتقان قازاقستاندىق سپورتشىلارعا قولداۋ كورسەتۋ ءۇشىن ۇيىمداستىرىلدى. ۇشاقپەن «ارپالىسار» الدىندا المات جۋرناليستەرگە شاعىن سۇحبات بەرىپ، ناۋرىز ايىندا 109 توننا بولاتىن پويىز لوكوموتيۆىن قالاي سۇيرەگەنىن باياندادى. بۇل جولعى تاڭداعان كولىگى - Bombardier Q400 NextGen ۇشاعى بولاتىن. اۋە كەمەسىنىڭ بيىكتىگى - 8,4 مەتر، ۇزىندىعى - 32,8 مەتر، سالماعى - 26 توننا، قوس قاناتىنىڭ ۇزىندىعى - 28,4 مەتر. ال المات ءجۇنىسوۆتىڭ سالماعى - 100 كەلى، بويى - 174 سانتيمەتر ەدى.

«تابيعاتىمنان بويىما كۇش دارىعان دەپ ويلايمىن. سونى دامىتۋ ءۇشىن بالا كەزىمنەن سپورتپەن شۇعىلدانىپ، اۋىر زاتتاردى كوتەرۋگە اۋەستەندىم. بۇگىنگىدەي سىناقتاردا اياققا كۇش كوپ تۇسەدى. ەڭ باستىسى، اياق كۇشتى ءارى شىدامدى بولۋى كەرەك. بۇل جولى ەكى اي بويى دايىندالدىم. ءوزىم اۋىر اتلەتيكامەن بەسىنشى سىنىپتان باستاپ اينالىسامىن، ال قازىرگى ۋاقىتتا الماتىدا فيتنەس- جاتتىقتىرۋشى بولىپ جۇمىس ىستەيمىن»، - دەيدى المات ءجۇنىسوۆ.

اڭگىمە اراسىندا اتلەت مامىر ايىندا سالماعى 300 كەلى بولاتىن تۇيەنى كوتەرىپ، ءۇش اۆتوكولىكتى قاتار قويىپ، 13 مەترگە سۇيرەگەنىن ەسكە الدى.

«بۇگىنگى سىناققا بۇرىنعىداي ۇزاق دايىندالعان جوقپىن. ءوز كۇشىمە سەنىپ تۇرمىن. قازاقستان بويىنشا ءالى ەشكىم ۇشاق سۇيرەپ كورگەن جوق»، - دەدى سپورتشى شابىتتانا سويلەپ.

دەگەنمەن، ءوز سالماعىنان 260 ەسە اۋىر ۇشاقتى 1 مەتردەن ارتىق سۇيرەۋگە الماتتىڭ شاماسى جەتپەدى. قازاقستاندىق «كينەس» رەكوردتار كىتابىنىڭ رەسمي وكىلى قۋاندىق قۇدايبەرگەنوۆ تالپىنىستىڭ ەسەپكە الىنبايتىنىن ايتتى.

«قازاقستان اۋماعىندا ءبىز وسىنداي وقيعالاردى تىركەۋگە ۋاكىلەتتى جالعىز ۇيىمبىز. مەنىڭشە، مۇنى جەڭىلىس دەۋگە كەلمەيدى. المات - اتاقتى سپورتشى، ونىڭ لاقاپ اتى - «تيتان قازاق». جىگىتتىڭ كەلەسى تالپىنىسى تابىستى بولادى دەپ ۇمىتتەنەمىز. ادەتتە ءبىز ۇمىتكەرگە ءۇش ارەكەتتەن ارتىق مۇمكىندىك بەرمەيمىز. سوندىقتان رەكوردتى تىركەۋدەن باس تارتتىق. ول ۇشاقتى ءبىر مەتردەن اسىرىپ سۇيرەي المادى. بۇل جەتكىلىكسىز»، - دەدى قۋاندىق قۇدايبەرگەنوۆ.

ونىڭ ايتۋىنشا، الماتتىڭ بۇل تالپىسىنى رەكورد رەتىندە تىركەلۋى ءۇشىن ۇشاقتى 10 مەترگە دەيىن سۇيرەپ اپارۋى كەرەك بولعان. «رەسەيدە ءبىر اتلەت ۇشاقتى 34 مەترگە دەيىن سۇيرەپ بارعان. ءبىراق ول ۇشاقتىڭ سالماعى 16 توننا ەدى»، - دەيدى «كينەس» وكىلى.

المات ءجۇنىسوۆ ءوزىنىڭ ساتسىزدىگىن جەردىڭ تەگىس بولماۋىمەن بايلانىستىرىپ وتىر.

«جەر تەگىس بولمادى. سوندىقتان بولار، ۇشاقتى ورنىنا قوزعاسام بولدى، ارتقا تارتىپ اكەتە بەردى»، - دەپ تۇسىندىرگەن جاس سپورتشى بۇگىن ساتسىزدىك بولدى ەكەن دەپ، باستاعان ءىسىن اياقسىز قالدىرمايتىنىن ايتتى.

«مەن الماتىدا 300 توننا پويىزدى (لوكوموتيۆتى) سۇيرەمەكشىمىن. وعان ەندى تىڭعىلىقتى دايىندالىپ بارىپ كىرىسەم. ەگەر سۇيرەي السام، الەمدىك رەكوردتى جاڭارتام»، - دەدى المات.

توكيوداعى سپورتشىلاردى قولداۋعا ارنالعان شارانىڭ وتۋىنە نۇر- سۇلتان قالاسىنىڭ جاستار ساياساتى باسقارماسى مۇرىندىق بولعانىن ايتا كەتۋ كەرەك.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات