+7 (701) 759 90 19
11 °С : نۇر-سۇلتان
18 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

قازاقپارات كۇنتىزبەسى. 23 - مامىر

23 مامىر 09:07
:ءبولىسۋ
قازاقپارات كۇنتىزبەسى. 23 - مامىر

نۇر- سۇلتان. قازاقپارات - قازاقپارات ءوز وقىرماندارىنا 2020 -جىلعى 23 - مامىرعا ارنالعان كۇنتىزبەنى ۇسىنادى.

ەستە قالار وقيعالار

1936 -جىلى ماسكەۋ قالاسىندا وتكەن قازاق ونەرى مەن ادەبيەتى ونكۇندىگىنىڭ قورىتىندى كونسەرتىندە قۇرمانعازى اتىنداعى قازاق حالىق اسپاپتارى وركەسترى «اداي»، «سەرپەر»، «كوبىك شاشقان»، «قوس القا»، « قىزىل بيداي» كۇيلەرىن، ال جامال وماروۆا «قاراتورعاي»، «ەرتىس» اندەرىن ناقىشىنا كەلتىرە ورىندادى.

1992 -جىلى ليسسابوندا قازاقستان، رەسەي، بەلارۋس، ۋكراينا جانە ا ق ش ەلدەرى وكىلدەرى 4 ەلدىڭ جەرىندە ورنالاسقان ستراتەگيالىق يادرولىق كۇشتەرگە قاتىستى بەسجاقتى ستراتەگيالىق شابۋىلداۋشى قارۋ- جاراقتى قىسقارتۋ جانە شەكتەۋ تۋرالى كەلىسىمگە قول قويدى. كەلىسىمدە، سونداي- اق، قازاقستان، بەلارۋس جانە ۋكراينا ەلدەرى يادرولىق قارۋدى تاراتپاۋ تۋرالى كەلىسىمگە يادرولىق قارۋى جوق ەلدەر رەتىندە قاتىسۋ مىندەتتەرى بەلگىلەندى.

1996 -جىلى قازاقستان پرەزيدەنتى نۇرسۇلتان نازاربايەۆتىڭ «ل. گۋميليەۆ اتىنداعى ەۋرازيا ۋنيۆەرسيتەتى تۋرالى» جارلىعى شىقتى. جارلىققا سايكەس، قالاداعى ەكى جوعارى وقۋ ورنى بىرىكتىرىلىپ، ل. ن. گۋميليەۆ اتىنداعى ەۋرازيا ۋنيۆەرسيتەتى قۇرىلدى. 1996 -جىلى ق ر پرەزيدەنتى ن. نازاربايەۆتىڭ قاۋلىسىمەن «قازاقستان رەسپۋبليكاسىنىڭ مەملەكەتتىك سايكەستىگىن قالىپتاستىرۋ تۇجىرىمداماسى» ماقۇلداندى.

2005 -جىلى الاشتىڭ ءبىرتۋار ازاماتى، اعارتۋشى- عالىم احمەت بايتۇرسىن ۇلىنىڭ جەتەكشىلىك ەتۋىمەن 1913 -جىلدان باستاپ ورىنبور قالاسىندا شىعىپ كەلگەن «قازاق» گازەتىنىڭ ەلەكتروندى نۇسقاسى جاسالدى. «مادەني مۇرا» مەملەكەتتىك باعدارلاماسى اياسىندا قولعا الىنعان جوبا ورتالىق ازيا اۋماعىنداعى العاشقى سيفرلىق قۇجات بولىپ ەسەپتەلەدى. وندا زەرتتەۋشىلەر مەن عالىمدار ەلەكتروندىق جۇيە ارقىلى ءتول گازەتىمىزدىڭ 247 نومىرىمەن تانىسا الادى.

2012 -جىلى اقوردادا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ تۇركيا رەسپۋبليكاسىنىڭ پرەمەر- ءمينيسترى رەدجەپ ەردوعانمەن كەزدەسۋىنىڭ اياسىندا تاراپتار ەكى ەل اراسىنداعى بىرلەسكەن ەكونوميكالىق باعدارلاماسى - «جاڭا سينەرگياعا» قول قويدى. قۇجات مەملەكەتتەردىڭ ساۋدا- ەكونوميكالىق جانە ينۆەستيتسيالىق سالالارىنداعى ىنتىماقتاستىعىن اتالمىش ءوزارا ارەكەتتەستىككە جاڭا باعدارلامالىق مارتەبە بەرۋ ەسەبىنەن جاڭا دەڭگەيگە شىعارۋدى كوزدەيدى.

2012 -جىلى الماتى مەتروپوليتەنى كولىك يندۋسترياسىنىڭ «التىن دوڭگەلەك» حالىقارالىق قوعامدىق ماراپاتىنىڭ لاۋرەاتى اتاندى. مەتروپوليتەن «قازاقستان رەسپۋبليكاسىنىڭ كولىكتىك يندۋسترياسىنىڭ جوباسى» نوميناتسياسىندا جەڭىسكە جەتتى.

2014 -جىلى تالدىقورعاندا 22 جاستاعى مۇگەدەك ەلدوس بايالىشبايەۆ مۇمكىندىگى شەكتەۋلى جاندارعا ارنالعان فيتنەس- كلۋب اشتى. بىرنەشە جىل بۇرىن جول اپاتى سالدارىنان ول توسەك تارتىپ جاتىپ قالعان. الايدا، ماسساجدىڭ ارقاسىندا ەلدوس ءوزى وتىرۋعا قابىلەتتى بولدى. ەلدوستىڭ اكەسى مەن اعاسى قولايلى جاتتىعۋ جابدىقتارىن جاساپ، ءۇش جىل بويى اۋىر جاتتىعۋ جالعاستى. ناتيجە ءۇمىتتى اقتاپ، ەلدوس اياققا تۇردى. بالداقتىڭ كومەگىمەن ول وزدىگىنەن قوزعالاتىن دارەجەگە جەتتى. ەلدوس ءوز جەتىستىگىن باسقالارمەن بولىسۋگە بەل بايلاپ، «بيزنەستىڭ جول كارتاسى-2020» باعدارلاماسى بويىنشا ءۇش ميلليون تەڭگە گرانت ۇتىپ الدى. بالانىڭ اتا- اناسى مەن دوستارى جاتتىعۋ قۇرالدارىن جاساپ، تالدىقورعان اكىمدىگى قولايلى عيمارات بەردى. عيماراتقا جوندەۋ جۇمىستارى جۇرگىزىلىپ، مۇگەدەكتەرگە ارنالعان فيتنەس- كلۋب كەلۋشىلەرگە ءوز ەسىگىن اشتى.

2016 -جىلى Atameken businesschannel العاشقى قازاقستاندىق بيزنەس جاڭالىقتار مۋلتيمەديا ارناسى جۇمىسىن باستادى. abctv.kz تەلەارناسى - LiveStream رەجيمىندە جۇمىس ىستەيتىن ينتەرنەتتەگى العاشقى ت ۆ- ارنا. اقپاراتپەن قامتۋ ايماعى - قازاقستان، ەاەو، تمد جانە الەم. تالداۋ باعدارلامالارى، نارىقتاعى احۋال، ماماندار پىكىرلەرى، ساراپتامالىق باعالاۋ جانە ت. ب. ۇسىنىلادى.

2017 -جىلى ا ق ش- تىڭ سەنت- پيتەرسبەرگ قالاسىندا وتكەن حالىقارالىق بوكس فەدەراتسياسىنىڭ (International Boxing Federation - IBF) 34- جىل سايىنعى كونۆەنتسياسى كەزىندە IBF / WBA / WBC / IBO ورتا سالماق دارەجەسىندە الەم چەمپيونى قازاقستاندىق گەننادي گولوۆكينگە سپورتتا جەتكەن جەتىستىكتەرى ءۇشىن دجەرسي دجو ۋولكوتت اتىنداعى ارنايى سىيلىق بەرىلدى.

2018 -جىلى استانا قالاسىندا جاڭارتىلاتىن ەنەرگيا كوزدەرى جوبالارىنىڭ العاشقى اۋكتسيونى ءوتتى. ءبىرىنشى اۋكتسيون جالپى قۋاتى 20 م ۆ ت بولاتىن جەل ەلەكتر ستانتسيالارىن تاڭداۋعا ارنالىپ، سولتۇستىك ايماق (اقمولا، اقتوبە، شىعىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارى) ءۇشىن وتكىزىلدى.

2019 -جىلى باشقۇرتستان استاناسى ۋفا قالاسىندا II اشىق جاۋىنگەرلىك ونەردىڭ ەۋرازيالىق ويىندارى ءوتتى، وندا ارميانىڭ ورتالىق سپورت كلۋبىنىڭ سپورتشىلارى ءۇش التىن جانە ەكى كۇمىس مەدال جەڭىپ الدى. جارىسقا رەسەيدىڭ 40 وڭىرىنەن جانە ارمەنيا، ازەربايجان، بەلارۋس، قازاقستان، لاتۆيا، تاجىكستان، تۇرىكمەنستان جانە وزبەكستان ەلدەرىنەن 3 مىڭعا جۋىق سپورتشى قاتىستى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات