15:30, 27 - قاراشا 2020 | GMT +6
ازياداعى ەڭ ۇزىن 238 شاقىرىمدىق ۇڭگىر قىتايدا - فوتو
نۇر-سۇلتان. قازاقپارات - قىتايدىڭ گۋيجوۋ پروۆينسياسىنداعى شۋانحە ۇڭگىرى ازياداعى ەڭ ۇزىن ۇڭگىر بولىپ تانىلدى، دەپ جازادى شينحۋا.
شۋانحە ۇڭگىرى ۇزىندىعى بويىنشا الەمدە التىنشى ورىندى الادى. بۇل تۋرالى سەنبى كۇنى زەرتتەۋشىلەر باسپا ءسوز ءماسليحاتىندا حابارلادى.
سوڭعى ولشەۋگە سايكەس، جۋني قالاسى سۋيان ۋەزى ۆەنشيۋان كەنتىنىڭ اۋماعىندا ورنالاسقان شۋانحە ۇڭگىرىنىڭ ۇزىندىعى 238,48 شاقىرىمدى قۇرايدى. ول ازياداعى ەڭ ۇزىن ۇڭگىر سانالعان مالايزياداعى گۋا- ەير- دجەرنيح (Clearwater) ۇڭگىرىن باسىپ وزدى.
ايتا كەتەيىك، شۋانحە ۇڭگىرى 1980 -جىلداردىڭ سوڭىندا تابىلعان. سودان بەرى بۇل جەردە 19 عىلىمي-زەرتتەۋ جۇمىستارى جۇرگىزىلگەن.
