12:49, 25 - قازان 2021 | GMT +6
تۇركىستاندا 22 جاستاعى انا دۇنيەگە ۇشەم اكەلدى - فوتو
تۇركىستان. قازاقپارات - تۇركىستان وبلىسىنىڭ № 2-وبلىستىق پەريناتالدىق ورتالىعىندا ۇشەم دۇنيەگە كەلدى، دەپ حابارلايدى قازاقپارات تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
«22 جاستاعى گۇلميرا ميرزايەۆا № 2-وبلىستىق پەريناتالدىق ورتالىعىندا ءۇش قىز بوساندى. جاڭا تۋعان نارەستەلەرگە فوتيما، زۋحرا، حاديسا ەسىمدەرى بەرىلدى. نارەستەلەردىڭ سالماعى 2200 گ ر، 2310 گ ر، 1 980 گ ر بولعان»، دەلىنگەن حابارلامادا.
مەرزىمىنەن ەرتە دۇنيەگە كەلگەن ۇشەم پەرينيتالدىق ورتالىق دارىگەرلەرىنىڭ باقىلاۋىنا الىنعان. مەديتسينا قىزمەتكەرلەرىنىڭ كومەگىمەن بالالاردىڭ جاعدايى تۇراقتى، ۇشەم پەرزەنتحانادان شىعۋعا ءازىر.
ايتا كەتسەك، ۇشەم دۇنيەگە كەلگەن وتباسىنىڭ ۇلى مەن قىزى بار. كوپبالالى انا ءۇي شارۋاسىندا وتىرعان ايەل. ال، وتاعاسى جەكە كاسىپكەر. بۇعان دەيىن 2 بالاسى بار وتباسىنىڭ پەرزەنتتەرى وسىلايشا بەس بالاعا كوبەيدى.
