+7 (701) 759 90 19
+7 °С : نۇر-سۇلتان
+14 °С : الماتى
USD 430.69 EUR 518.42
RUB 5.66 CNY 66.17
جاڭالىقتار

ەلىمىزدە پاندەميا كەزىندە ءولىم كورسەتكىشى 22 پايىزعا ارتقان

9 ناۋرىز 13:46
:ءبولىسۋ
ەلىمىزدە پاندەميا كەزىندە ءولىم كورسەتكىشى 22 پايىزعا ارتقان

نۇر-سۇلتان. قازاقپارات - وتكەن جىلى تۋۋ جانە ءولىم كورسەتكىشى ءوسىپ، رەكورد ورنادى، دەپ حابارلايدى قازاقپارات.

«ەڭبەك رەسۋرستارىن دامىتۋ ورتالىعى» ا ق بولجاۋ دەپارتامەنتىنىڭ ديرەكتورى دميتري شۋمەكوۆ 2020 -جىلعى دەموگرافيا سالاسىنداعى جاعداي تۋرالى تولىعىراق ايتىپ بەردى. پاندەمياعا قاراماستان، 2020 -جىل جاڭا تۋعان نارەستەلەر سانى بويىنشا رەكوردتىق جىل بولدى، ول 425,6 مىڭدى قۇرادى، بۇل 2019 -جىلمەن سالىستىرعاندا %5,6 كوپ. بۇل كورسەتكىش بويىنشا 1987 -جىلعى رەكوردقا قول جەتتى - ءبىر جىل ىشىندە 417,1 مىڭ بالا دۇنيەگە كەلدى.

وسىلايشا، 2020 -جىلى الدىڭعى جىلعا قاراعاندا 22561 ادام دۇنيەگە كەلدى، بۇل ءوسىمنىڭ %63 جۋىعى ءتورت وڭىرگە - تۇركىستان (%24)، الماتى (%16) جانە قىزىلوردا (%10) وبلىستارىنا، سونداي-اق شىمكەنت قالاسىنا (%13) تيەسىلى. ساراپشى 2020 -جىلى تۋۋ ديناميكاسى ءبىرقاتار توسىنسىيلار اكەلگەنىن اتاپ ءوتتى.

«ۇلتتىق ستاتيستيكا بيۋروسىنىڭ مالىمەتى بويىنشا، ءساۋىر ايىندا جاڭا تۋعان نارەستەلەر سانى 2019 -جىلدىڭ ساۋىرىمەن سالىستىرعاندا %26 ازايعان. ءبىراق ماۋسىم ايىندا ءوسىم سونداي %26 دى قۇرادى. ءبىز مۇنداي تولقۋلاردىڭ نەگە بايلانىستى ەكەنىن ناقتى بىلمەيمىز، ءبىراق بۇل جەردە تەحنيكالىق قيىندىقتار مەن دەنساۋلىق ساقتاۋ سالاسىنداعى جاعداي اسەر ەتتى دەپ بولجايمىز. اي سايىنعى ماندە مۇنداي كۇرت ءوسۋدىڭ ەشقانداي العىشارتتارى بولعان جوق. مۇمكىن، بۇل مەملەكەتتىك ورگانداردىڭ اقپاراتتىق جۇيەلەرىندە تۋۋ فاكتىلەرىن كەش تىركەۋدەن بولعان شىعار. ەگەر كارانتيننىڭ بولجامدى اسەرى وتكەن جىلمەن سالىستىرعاندا قاراشا ايىندا - %10 عا، ال جەلتوقساندا - %12 عا وسكەن بولسا، كوكتەمدەگى تومەندەۋ مەن جازعى ءوسىمنىڭ سەبەپتەرى ءالى بەلگىسىز»، - دەيدى ساراپشى.

دەموگرافيانىڭ ەكىنشى تۇسىنا توقتالا وتىرىپ، ساراپشى، وكىنىشكە قاراي، بارلىق بەلگىلى وقيعالاردىڭ سالدارىنان ءولىم كورسەتكىشىنىڭ دە وسكەنىن ايتتى. قايتىس بولعاندار سانى 2019 -جىلمەن سالىستىرعاندا %22 ءوسىپ، 162,6 مىڭ ادامعا جەتتى. بۇل رەتتە ەلوردادا ءولىمنىڭ جالپى كورسەتكىشى %43 ءوستى، بۇل نۇر-سۇلتان قالاسىندا ءولىم جاعدايلارى كوبىرەك ورىن الاتىن مەديتسينالىق مەكەمەلەردىڭ شوعىرلانۋىنا بايلانىستى بولۋى مۇمكىن.

«ەگەر ناۋرىز ايىندا قايتىس بولعاندار سانى 2019 -جىلدىڭ ناۋرىزىمەن سالىستىرعاندا %20، ال جالپى ءبىرىنشى توقساندا %8 قىسقارسا، ساۋىردە بارلىعى ۇيدە وتىرعاندا ءولىم %62، ال قاڭتار- ساۋىردە %21 تومەندەگەن. ءبىراق مامىر ايىندا بۇل كورسەتكىش 27%، ماۋسىمدا - %51، شىلدەدە - 2019 -جىلدىڭ ءتيىستى ايىمەن سالىستىرعاندا %127 وسكەن. ودان كەيىن قارقىن تامىز

ايىندا %70 دان قازان ايىندا %7 دەيىن قىسقارىپ، تومەندەي باستادى، الايدا قاراشادا %19، ال جەلتوقساندا 15% ءوسىم بايقالدى»، - دەپ اتاپ ءوتتى دميتري شۋمەكوۆ.

ساراپشىنىڭ ايتۋىنشا، قازاقستاندىقتاردىڭ ءولىم جاعدايلارىندا قان اينالىم جۇيەسى مەن تىنىس الۋ ورگاندارىنىڭ اۋرۋلارى كوپ ۇشىراسادى.

«ءولىم سەبەپتەرىندە قان اينالىمى جۇيەسىنىڭ اۋرۋلارى ەرەكشە ورىن الادى، ونىڭ ۇلەسى ءولىم جاعدايلارىنىڭ جالپى سانىندا %23 قۇرادى. 2020 -جىلى وتكەن جىلمەن سالىستىرعاندا ءولىم سانى 21% ءوستى. تىنىس الۋ ورگاندارىنىڭ اۋرۋلارىنان بولاتىن ءولىم %43 ءوستى، ال جالپى ءولىمنىڭ ۇلەسى - شامامەن %14»، - دەپ تولىقتىردى دميتري شۋمەكوۆ.

بۇل رەتتە جازاتايىم وقيعالاردان بولاتىن ءولىم ازايعان.

«پاندەميانىڭ بارلىق زياندى اسەرىنە قاراماستان، 2020 -جىلى جازاتايىم وقيعالاردان، ۋلانۋدان جانە جاراقاتتانۋدان بولاتىن ءولىم %10 ازايدى، بۇل بارلىق ءولىم جاعدايلارىنىڭ شامامەن %7 قۇرادى. سونىمەن قاتار، كولىك اپاتتارىنان قايتىس بولعاندار سانى %19 ازايدى. بۇل ءۇردىس جالعاسا بەرسە، جاقسى بولار ەدى»، - دەپ تۇيىندەدى ساراپشى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات