اقمولا وبلىسىندا جاز باستالعالى 21 ادام سۋعا كەتكەن

اقمولا وبلىسى ت ج د باسپا ءسوز قىزمەتى حابارلاعانداي، شومىلۋ ماۋسىمى باستالعالى وڭىردە 62 ادام قۇتقارىلعان، ونىڭ 11 - بالالار. 18 ازاماتقا دارىگەرگە دەيىنگى كومەك كورسەتىلگەن. ءبىراق وبلىستا سۋعا كەتىپ كوز جۇمعاندار ستاتيستيكاسى وسۋدە. بۇگىنگى كۇندە وسىنداي 21 فاكت تىركەلگەن. سۋعا كەتكەندەردىڭ اراسىندا ءۇش كامەلەتكە تولماعان بالا بار.

«شومىلۋ كەزىندەگى جازاتايىم وقيعالاردىڭ نەگىزگى سەبەبى - قاۋىپتى جەتە باعالاماۋ، جۇزە الماۋ، ءوز كۇشىن اسىرا باعالاۋ جانە ۇرەيلەنۋ. سونداي- اق، قايعىلى جاعدايعا كوبىنە ماس بولۋ، الىس قاشىقتىققا ءجۇزۋ، داۋىلدى اۋا رايىندا شومىلۋ، بۇلشىقەت قۇرىسۋى، ۇرلەنەتىن ءجۇزۋ قۇرالدارىنىڭ جارىلۋى، بالاردىڭ قاراۋسىز قالۋى، بيىكتىكتەن سەكىرۋ سياقتى جاعدايلار سەبەپ بولادى. مەديتسينالىق پۋنكتى مەن قۇتقارۋ قۇرالدارى بار ارنايى جابدىقتالعان جاعاجايدا سۋداعى قاۋىپسىزدىكتى قامتاماسىز ەتۋ وڭاي»، - دەپ اتاپ ءوتتى ۆەدومستۆو.

ءوڭىر قۇتقارۋشىلارىنىڭ ايتۋىنشا، پوليتسيا دەپارتامەنتىنىڭ اۋماقتىق بولىمشەلەرىمەن بىرلەسىپ 3624 رەيد جانە پاترۋلدەۋ جۇرگىزىلدى.

ناتيجەسىندە 614 ادام اكىمشىلىك جاۋاپقا تارتىلدى. جەرگىلىكتى اتقارۋشى ورگاندارمەن بىرلەسىپ 173 قوعامدىق قۇتقارۋشىسى بار 10 كوممۋنالدىق جاعاجاي جانە 59 جەكە جاعاجاي اشىلدى.