قىتايدا اۆتوبۋس كولگە قۇلاپ، 21 ادام مەرت بولدى

None
None
بەيجىڭ. Xinhua - قازاقپارات - قىتايدىڭ گۋيجوۋ پروۆينسياسىنىڭ وڭتۇستىك- باتىسىنداعى انشۋن قالاسىندا اۆتوبۋس كولگە قۇلاپ، 21 ادام مەرت بولدى.

تاعى 16 سى زارداپ شەكتى، دەپ حابارلايدى قازاقپارات Xinhua اگەنتتىگىنە سىلتەمە جاساپ. وقيعا سەيسەنبى كۇنى تۇستەن كەيىن بولعان. اۆتوبۋس قورشاۋعا سوعىلىپ، حۋنشان كولىنە قۇلاپ كەتكەن. انشۋن قالالىق توتەنشە جاعدايلار جونىندەگى مۋنيتسيپالدىق باسقارمانىڭ حابارلاۋىنشا، قۇلاعان اۆتوبۋستان 37 ادام شىعارىلعان. اۆتوبۋس جۇرگىزۋشىسىن قوسا العاندا، ولاردىڭ 20 سى مەرت بولعان. تاعى ءبىر جولاۋشى اۋرۋحانادا كوز جۇمدى. 16 جولاۋشى ءارتۇرلى دارەجەدە جاراقات الدى. جەرگىلىكتى قۇتقارۋ قىزمەتىنىڭ مالىمەتىنشە، اۆتوبۋس كولدەن شىعارىلدى. 1100 دەن استام قۇتقارۋشى جوعالعان جولاۋشىلاردى ءالى دە ىزدەستىرۋدە. وقيعانىڭ ءمان-جايى تەكسەرىلىپ جاتىر.

سوڭعى جاڭالىقتار