+7 (701) 759 90 19
22 °С : نۇر-سۇلتان
21 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

قازاقپارات كۇنتىزبەسى: 21- مامىر

21 مامىر 07:25
:ءبولىسۋ
قازاقپارات كۇنتىزبەسى: 21- مامىر

نۇر- سۇلتان. قازاقپارات - قازاقپارات وقىرماندارعا 2020-جىلعى 21- مامىرعا ارنالعان كۇنتىزبەنى ۇسىنادى.

اتاۋلى كۇندەر

بۇكىل دۇنيەجۇزىلىك قارىم-قاتىناس پەن دامۋ جولىنداعى مادەني ءار الۋاندىلىق كۇنى

2001-جىلى UNESCO ۇيىمى مادەني ءار الۋاندىلىق جونىندەگى بارشاعا ورتاق دەكلاراتسيا قابىلداندى. ال ءبىر جىلدان كەيىن ب ۇ ۇ باس اسسامبلەياسى بۇكىل دۇنيەجۇزىلىك قارىم-قاتىناس پەن دامۋ جولىنداعى مادەني ءار الۋاندىلىق كۇنىن جاريالادى.

بۇل داتانىڭ باستى ماقساتى - ادامدارعا ءوز ەلىنىڭ عانا ەمەس، وزگە دە حالىقتاردىڭ ۇلتتىق مادەنيەتى قانشالىقتى ءار الۋان ەكەنىن تۇسىنۋگە مۇمكىندىك بەرۋ. وسى ارقىلى سالت- داستۇرلەرمەن جانە ۇلتتىق مۇرالارمەن الماسۋدىڭ ماڭىزدىلىعىن ءتۇسىنۋ.

قازاقستاندا مادەنيەت جانە ونەر قىزمەتكەرلەرىنىڭ كۇنى باستاپقىدا قازاقستاندا مادەنيەت جانە ونەر قىزمەتكەرلەرىنىڭ كۇنى 1998-جىلى بەكىتىلىپ، قىركۇيەكتىڭ سوڭعى جەكسەنبىسىندە اتاپ ءوتىلىپ كەلدى.

ءبىراق 2013-جىلى وسى كۇندى 21- مامىرعا اۋىستىرۋ تۋرالى شەشىم قابىلداندى. بۇل كۇن پرەزيدەنت جارلىعىنا سايكەس مەرەكەلەنەدى. قازاقستاننىڭ بارشا ونەر، مادەنيەت قىزمەتكەرلەرى اتاپ وتەدى.

ەستە قالار وقيعالار

1940-جىلى قازاقستاندا گەولوگيالىق زەرتتەۋلەر ينستيتۋتى قۇرىلدى. قازىرگى كۇنى ينستيتۋت وسى مەكەمەنىڭ نەگىزىن قالاعان قازاقتىڭ ايگىلى عالىمى، اكادەميك قانىش ساتپايەۆ ەسىمىمەن اتالادى.

1999-جىلى قازاق اقىنى مۇحتار شاحانوۆقا حالىقارالىق «رۋحانيات» سىيلىعى بەرىلدى.

1999-جىلى باتىس قازاقستاننان قارا تەڭىز جاعالاۋىنا دەيىن سوزىلاتىن كاسپي مۇناي قۇبىرىن توسەۋ جۇمىستارى باستالدى.

2010-جىلى ۇلتتىق اۆتورلار كىتاپتارىن ناسيحاتتاۋ جانە وقىرمانداردى تارتۋ ماقساتىندا «ءبىر ەل - ءبىر كىتاپ» جوباسىنىڭ اياسىندا جۇبان مولداعاليەۆتىڭ «مەن قازاقپىن» پوەماسى تاڭدالدى.

2012-جىلى وزبەكستاننىڭ ناۋاي وبلىسى نۇراتا ەلدى مەكەنىندە ايتەكە ءبي كەسەنەسى اشىلدى. بۇل كەسەنە تۋىس ءارى كورشى ەكى حالىق - قازاق پەن وزبەك ۇلتىنىڭ باۋىرلاس، دوستىق نيەتىن اڭعارتاتىن تاتۋ قاتىناسىنىڭ بەلگىسى بولىپ تانىلدى.

2013-جىلى مەملەكەت باسشىسى نۇرسۇلتان نازاربايەۆ «دەربەس دەرەكتەر جانە ولاردى قورعاۋ تۋرالى» زاڭعا قول قويدى. زاڭ جەكە ومىرگە ارالاسپاۋدى، جەكە جانە وتباسىلىق قۇپيانى قورعاۋدى قامتاماسىز ەتۋگە، وسى سالاداعى مەملەكەتتىك رەتتەۋدى كۇشەيتۋگە باعىتتالعان.

2014-جىلى ورىس ءتىلى مەن مادەنيەتىن دامىتۋعا، سونداي-اق شەتەلدە وتانداستاردى شوعىرلاندىرۋ ىسىنە قوسقان زور ۇلەسى ءۇشىن «قازاقپارات» حالىقارالىق اقپارات اگەنتتىگى رەسەي فەدەراتسياسى ۇكىمەتىنىڭ قۇرمەت گراموتاسىمەن ماراپاتتالدى.

ماراپاتتاۋ ءراسىمى شاڭحايدا ورىس ءتىلدى باسپا ءسوزدىڭ XVI دۇنيەجۇزىلىك كونگرەسى اياسىندا ءوتتى.

2017-جىلى «بارىس ارەنادا» قازاقستان حوككەي تاريحى زالى اشىلدى. وندا تورونتودان العاش رەت اكەلىنگەن بىرەگەي حوككەي ەكسپوناتتارى، سونىڭ ىشىندە 1987-جىلعى كانادا كۋبوگى دا بار.

2018-جىلى ر ف مەملەكەتتىك دۋماسىندا قازاقستانمەن ديپلوماتيالىق قاتىناستاردىڭ ورناتىلۋىنىڭ 25 جىلدىعىنا ارنالعان «قازاقستان جانە رەسەي - عاسىرعا جالعاسقان دوستىق!» اتتى كورمە ءوتتى.

كورمەگە ەكى مەملەكەت تاۋەلسىزدىگىنىڭ العاشقى كۇندەرىنەن باستاپ قاتىناستاردىڭ قالىپتاسۋ تاريحىن بەينەلەيتىن بىرەگەي فوتوسۋرەتتەر قويىلدى.

2019-جىلى Marche du Film اتتى كانن فەستيۆالىندە Almaty Film Festival جانە Almaty Film Commission ستەندى ۇسىنىلعان. ونىڭ جۇمىسى اياسىندا قوناقتار ۆيرتۋالدىق شىنايىلىق كوزىلدىرىگىمەن الماتى جانە الماتى وبلىسىنىڭ بارلىق كورنەكتى جەرلەرىن كورىپ، قازاقستان تابيعاتىنىڭ سۇلۋلىعىن تاماشالادى.

Marche du Film - الەمدىك كينويندۋستريا سالاسىنداعى مامانداردىڭ ەڭ ءىرى ىسكەرلىك حالىقارالىق جينالىسى. وعان جىل سايىن ءبىر ۋاقىتتا شامامەن 110 ەلدەن 15 مىڭ قاتىسۋشى جينالادى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات