قازگيدرومەت: مامىردىڭ 21 ءى كۇنگى اۋا رايى بولجامى

رەسپۋبليكانىڭ ءبىرقاتار اۋماعىندا نايزاعاي ويناپ، جەل كۇشەيەدى، بۇرشاق جاۋىپ، وڭتۇستىك- باتىستا شاڭدى داۋىل سوعادى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ.

شىعىس قازاقستان وبلىسىنىڭ كەي جەرلەرىندە جەل كۇشەيىپ، جىلدامدىعى سەكۋندىنا 15-20 مەترگە جەتەدى. تۇندە جانە تاڭ اتا كەي جەرلەردە تۇمان ءتۇسىپ، ءبىرقاتار اۋماقتاردا بۇرشاق جاۋۋى دا ىقتيمال.

سولتۇستىك قازاقستان وبلىسىنىڭ كەي جەرلەرىندە كۇشتى جەل تۇرىپ، بۇرشاق جاۋۋى ىقتيمال، تۇندە ءبىرقاتار وڭىردە جەلدىڭ كۇشى سەكۋندىنا 15-20 مەترگە جەتەدى، كۇندىز دە سولاي، ەكپىنى 23 مەترگە دەيىن بارادى.

قوستاناي، كۇندىز جامبىل وبلىسىنىڭ كەي جەرلەرىندە جەل كۇشەيىپ، بۇرشاق جاۋادى.

اقمولا، پاۆلودار وبلىستارىنىڭ كەي اۋماقتارىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى، بۇرشاق جاۋۋى دا ىقتيمال.

قاراعاندى، اتىراۋ، كۇندىز اقتوبە، ماڭعىستاۋ، قىزىلوردا وبلىستارىندا جەلدىڭ كۇشى سەكۋندىنا 15-20 مەترگە جەتەدى.

ماڭعىستاۋ وبلىسىنىڭ كەي جەرلەرىندە شاڭدى داۋىل تۇرادى.

شىعىس قازاقستان وبلىسى مەن وڭتۇستىكتە ءورت قاۋپى ساقتالادى.