18:57, 24 - ماۋسىم 2022 | GMT +6
بەيجىڭ ماڭىندا گاز جارىلىسىنان ەكى ادام كوز جۇمىپ، 20 سى جاراقات الدى
بەيجىڭ. قازاقپارات - جۇما كۇنى قىتايدىڭ سولتۇستىگىندەگى حەبەي پروۆينتسياسىنىڭ سانحە قالاسىندا سۇيىتىلعان گاز باللوندارىنىڭ جارىلۋى كەزىندە ەكى ادام قازا تاۋىپ، تاعى 20 ادام جاراقات الدى، دەپ حابارلادى قازاقپارات مەنشىكتى ءتىلشىسى مۋنيتسيپاليتەتتىڭ مالىمدەمەسىنە سىلتەمە جاساي وتىرىپ.
توتەنشە وقيعا جۇما كۇنى تاڭەرتەڭ قىتاي استاناسى بەيجىڭ قالاسىنىڭ ماڭىندا ورنالاسقان سانحە قالاسىنىڭ ساۋدا كوشەلەرىنىڭ بىرىندە بولعان.
الدىن الا مالىمەتتەر بويىنشا، سۇيىتىلعان گازى بار بالوندار جارىلعان. جارىلىس سالدارىنان ەكى ادام قازا تاۋىپ، تاعى 20 ادام ءتۇرلى دارەجەدەگى جاراقات العان.
قازىرگى ۋاقىتتا اپات بولعان جەردە ىزدەستىرۋ-قۇتقارۋ جۇمىستارى اياقتالدى. اپاتتىڭ ءمان-جايى مەن سەبەپتەرى انىقتالۋدا.