20 جاستاعى اقمولالىق بىرنەشە كۇن ۇيىنە كەلمەي، كومپيۋتەرلىك ويىن ويناعان

ۆەدومستۆونىڭ مالىمەتىنشە، بيىلعى جىلعى 23-قاڭتاردا بۇلاندى اۋداندىق پوليتسيا بولىمىنە 43 جاستاعى جەرگىلىكتى تۇرعىننان ارىز تۇسكەن. ايەلدىڭ ايتۋىنشا، ونىڭ 20 جاستاعى ۇلى ەكى كۇن بۇرىن كۇندىز ۇيىنەن كەتىپ، كەيىن قايتىپ ورالماعان. ول ۇلىنىڭ قايدا جۇرگەنىن بىلمەيدى.

وسىعان بايلانىستى ءتارتىپ ساقشىلارى، جەدەل ىزدەستىرۋ شاراسىن قولعا الىپ، قوناق ۇيلەردى، جالدامالى پاتەرلەردى، قاراۋسىز قالعان قۇرىلىستاردى، قۇرىلىس الاڭدارىن، كارىز كوللەكتورلارىن، گاراج كووپەراتيۆتەرىن، ساياجاي الاپتارىن تەكسەردى، سونداي- اق، جولاۋشى تاسىمالىمەن اينالىساتىن قوعامدىق كولىكتەر مەن تاكسي جۇرگىزۋشىلەرىنەن سۇراستىردى. «ىزدەستىرۋ شارالارىنىڭ بارىسىندا جوعالعان جىگىت شۋچينسك قالاسىنداعى قوناق ۇيلەردىڭ بىرىندە ورنالاسقانى انىقتالدى. جىگىتتىڭ تۇسىندىرۋىنشە، ول جۇمىس ىزدەپ، ۇيالى تەلەفونىن ساتقان. كەيىن ول اقشاعا ويىن پريستاۆكاسىن ساتىپ الىپ، كومپيۋتەرلىك ويىنداردى ويناعان. مۇنداي جاعدايلاردىڭ الدىن الۋ ءۇشىن پوليتسەيلەر جاس جىگىتپەن پروفيلاكتيكالىق اڭگىمە وتكىزدى»، - دەدى ۆەدومستۆودان.

وسى رەتتە، ءتارتىپ ساقشىلارى اقمولالىقتارعا ۇيىنەن ۇزاق ۋاقىتقا كەتەر كەزدە تۋىستارى مەن جاقىندارىنا ەسكەرتۋدى ۇمىتپاۋعا شاقىرادى.

اۆتور: اسلان وسپانوۆ