+7 (701) 759 90 19
+7 °С : نۇر-سۇلتان
+14 °С : الماتى
USD 430.69 EUR 518.42
RUB 5.66 CNY 66.17
جاڭالىقتار

قازاقستاندا ەلدىڭ 2025 -جىلعا دەيىنگى دامۋىنىڭ ۇلتتىق جوسپارى بەكىتىلدى

9 ناۋرىز 14:02
:ءبولىسۋ
قازاقستاندا ەلدىڭ 2025 -جىلعا دەيىنگى دامۋىنىڭ ۇلتتىق جوسپارى بەكىتىلدى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ جارلىعىنا سايكەس ەلىمىزدىڭ 2025 -جىلعا دەيىنگى دامۋىنىڭ ۇلتتىق جوسپارى بەكىتىلدى، دەپ حابارلايدى قازاقپارات ۇلتتىق ەكونوميكا مينيسترلىگىنە سىلتەمە جاساپ.

اتالعان قۇجاتتى ق ر پرەزيدەنتى قاسىم-جومارت توقايەۆتىڭ تاپسىرماسى بويىنشا ۇلتتىق ەكونوميكا مينيسترلىگى ستراتەگيالىق جوسپارلاۋ جانە رەفورمالار اگەنتتىگىمەن بىرلەسىپ ازىرلەدى. ەلدىڭ 2025 -جىلعا دەيىنگى دامۋىنىڭ ۇلتتىق جوسپارىندا جاڭا ەكونوميكالىق باعىتىمىزدىڭ نەگىزگى مىندەتتەرى مەن پارامەترلەرى ايقىندالعان.

قۇجاتتا اسا ماڭىزدى سالالاردى دامىتۋ جونىندەگى ستراتەگيالىق پايىم، كوروناداعدارىس سالدارىن جۇمسارتۋعا جانە جاڭا ەكونوميكالىق ناقتىلىق پەن اعىمداعى جاھاندىق ۇردىستەر جاعدايىندا ەكونوميكانىڭ ورنىقتى، ينكليۋزيۆتى جانە ساپالى دامۋىن قامتاماسىز ەتۋگە باعىتتالعان نەگىزگى ساياساتتى جەتىلدىرۋ جونىندەگى باعدارلار كورسەتىلگەن.

«جوسپار حالىقتىڭ ءومىر ءسۇرۋ ساپاسى مەن ءال- اۋقاتىن ارتتىرۋعا باعىتتالعان تۇبەگەيلى ينستيتۋتسيونالدىق جانە سالالىق رەفورمالار ءۇشىن نەگىز قالايدى. ناقتى ستراتەگيالىق كورسەتكىشتەردىڭ ەگجەي- تەگجەيلى كارتاسى ۇلتتىق جوسپاردىڭ اجىراماس بولىگى بولىپ تابىلادى، وعان قول جەتكىزۋ ءۇشىن ەكونوميكانىڭ وزىندىك جەتكىلىكتىلىگىن ارتتىرۋ، ءارتاراپتاندىرۋ، ينۆەستيتسيالاردى تارگەتتەلگەن تارتۋ، ەكسپورتتى بەلسەندى ىلگەرىلەتۋ، جەكە كاسىپكەرلىكتى قولداۋ جانە كەشەندى دامىتۋ ارقىلى ونىڭ جاڭا قۇرىلىمىن قالىپتاستىرۋ بويىنشا ناقتى شارالار قابىلدانادى»، دەلىنگەن حابارلامادا.

مينيسترلىكتىڭ مالىمەتىنشە، دەنساۋلىق ساقتاۋ مەن ءبىلىم بەرۋ قىزمەتتەرىن جاقسارتۋعا، ينفراقۇرىلىمدى دامىتۋعا، ناتيجەلى جۇمىسپەن قامتۋعا جانە حالىقتىڭ الەۋمەتتىك ءال- اۋقاتىن ارتتىرۋعا ەرەكشە نازار اۋدارىلادى. سونداي-اق، مەملەكەت باسشىسى مەملەكەتتىك جوسپارلاۋ جۇيەسىنىڭ جاڭا قۇرالى بولىپ تابىلاتىن «قازاقستان رەسپۋبليكاسىنىڭ 2025 -جىلعا دەيىنگى جالپىۇلتتىق باسىمدىقتارى تۋرالى» جارلىققا قول قويدى.

جالپى ۇلتتىق باسىمدىقتار (ج ۇ ب) ءۇش ءتۇيىندى باعىت بويىنشا 10 ناقتى مىندەتتى بىلدىرەدى: ازاماتتاردىڭ ءال- اۋقاتى، ينستيتۋتتاردىڭ ساپاسى جانە كۇشتى ەكونوميكا قۇرۋ.

«اڭگىمە جاقىن كەلەشەكتە رەفورمالار جۇزەگە اسىرىلاتىن ون باعىت تۋرالى بولىپ وتىر: ءادىل الەۋمەتتىك ساياسات، دەنساۋلىق ساقتاۋدىڭ قولجەتىمدى جانە ءتيىمدى جۇيەسى، ساپالى ءبىلىم بەرۋ، ازاماتتاردىڭ مۇددەلەرىن قورعاۋعا ارنالعان ءادىل جانە ءتيىمدى مەملەكەت، مەملەكەتتىك باسقارۋدىڭ جاڭا مودەلى، پاتريوتيزم قۇندىلىقتارىن دارىپتەۋ، ۇلتتىق قاۋىپسىزدىكتى نىعايتۋ، ءارتاراپتاندىرىلعان يننوۆاتسيالىق ەكونوميكا قۇرۋ، ەكونوميكالىق جانە ساۋدا ديپلوماتياسىن بەلسەندى دامىتۋ جانە تەڭگەرىمدى اۋماقتىق دامۋ. ۇلتتىق دامۋ جوسپارىنىڭ جانە جالپىۇلتتىق باسىمدىقتاردىڭ بارلىق ينديكاتورلارى بۇكىل مەملەكەتتىك اپپارات جۇمىسىنىڭ وزەكتى باعىتتارىن ايقىندايدى. كورسەتىلگەن ستراتەگيالىق قۇجاتتاردى ىسكە اسىرۋ قازىرگى كەزەڭنىڭ سىن- قاتەرلەرىن ەڭسەرۋگە باعىتتالعان جانە ورتامەرزىمدىك پەرسپەكتيۆادا ەلدىڭ حالىقتىڭ ءومىر ءسۇرۋ ساپاسى مەن تابىسىنىڭ ناقتى وسۋىمەن قاتار جۇرەتىن ورنىقتى جانە ساپالى ەكونوميكالىق ءوسۋ تراەكتورياسىنا شىعۋىن قامتاماسىز ەتۋگە ارنالعان»، دەلىنگەن حابارلامادا.

ەسكە سالا كەتسەك، اقوردادا مەملەكەت باسشىسى قاسىم-جومارت توقايەۆتىڭ توراعالىعىمەن رەفورمالار جونىندەگى جوعارى كەڭەستىڭ ءۇشىنشى وتىرىسىندا ەلدى دامىتۋدىڭ 2025 -جىلعا دەيىنگى ۇلتتىق جوسپارى دايىندالاتىنى ءمالىم ەتىلگەن ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات