توقايەۆ 2023 - جىلدى ت م د- نىڭ حالىق شىعارماشىلىعى جانە مادەني مۇراسى جىلى دەپ جاريالادى
بۇل تۋرالى ت م د ۇيىمىنا مۇشە مەملەكەتتەر باسشىلارى كەڭەسىنىڭ كەزەكتى وتىرىسىندا قازاقستان پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«مادەني- گۋمانيتارلىق ولشەمدەر ءداستۇرلى تۇردە تاريحي بايلانىستاردى ساقتاۋ مەن حالىقتارىمىزدى مۇنان ارى دا جاقىنداتا تۇسۋدە ماڭىزدى رولگە يە. وسىعان وراي ءبىز كەلەسى جىلدى ت م د- نىڭ حالىق شىعارماشىلىعى جانە مادەني مۇراسى جىلى دەپ جاريالادىق. ونى وتكىزۋ جوسپارى تاريحي بالانىستاردى ساقتاۋعا، مادەنيەت، تۋريزم مەن سپورت سالالارىنداعى ءوزارا ءىس- قيمىلدى نىعايتۋعا باعىتتالعان شامامەن 100 ءىس- شارانى قامتيدى»، - دەدى قاسىم- جومارت توقايەۆ.
ق ر پرەزيدەنتىنىڭ اتاپ وتۋىنشە، بۇل سالاداعى ىنتىماقتاستىقتى تەرەڭدەتە تۇسۋگە بۇعان دەيىن قابىلدانعان باعدارلامالىق قۇجاتتار سەپتىگىن تيگىزە الادى. ولاردىڭ قاتارىندا جاستار ىنتىماقتاستىعى، تۋريزم، دەنە شىنىقتىرۋ جانە سپورت سالالارىنا قاتىستى ستراتەگيالار بار.
«وسى مۇمكىندىكتى پايدالانا وتىرىپ، مولدوۆا حالقىن كومرات قالاسىن 2023 -جىلعى ت م د- نىڭ مادەني استاناسى بولىپ تاڭدالۋىمەن قۇتتىقتايمىن»، - دەدى مەملەكەت باسشىسى.
اۆتور: مارلان جيەمباي