بەيجىڭ-2022: كونكيمەن جۇگىرۋدەن قازاقستان كومانداسىندا وزگەرىستەر بولدى

بۇل تۋرالى ق ر ۇلتتىق وليمپيادالىق كوميتەتى ءمالىم ەتتى.

ەرتەڭگى وليمپيادا ويىندارىندا ەرلەر اراسىنداعى 1000 مەترلىك جارىستا يۆان ارجانيكوۆتىڭ ورنىنا دميتري موروزوۆ شىعادى.

«ەرلەر اراسىندا 1000 مەترگە جۇگىرۋدەن كوماندادا وزگەرىس بار. يۆان ارجانيكوۆ دەنساۋلىعىنا بايلانىستى جارىسقا قاتىسا المايدى. ونىڭ ورنىنا دميتري موروزوۆ شىعادى دەپ شەشتىك. ارينە، بۇل موروزوۆ ءۇشىن ايتارلىقتاي ىڭعايلى جارىس ەمەس. ءبىراق ول سوڭعى كەزدەرى 1500 مەتردە ءوزىن جاقسى كورسەتىپ ءجۇر. سونداي-اق، بۇل باسەكە ماسس-ستارت الدىندا جاقسى دايىندىق بولماق»، - دەدى باس باپكەر دميتري بابەنكو.

ايتا كەتەيىك، ەرلەر اراسىنداعى 1000 مەترلىك جارىس ەرتەڭ نۇر-سۇلتان ۋاقىتىمەن 14.30 دا وتەدى.

قازىر اق وليمپيادادا ويىندارىندا ەلىمىزدىڭ نامىسىن 8 سپورت تۇرىنەن 34 سپورتشى قورعاپ جاتىر.

ولار - قىسقى سپورت ويىندارىنىڭ ىشىندە سپورتتىڭ شاڭعى جارىسى، فريستايل-موگۋل، شاڭعى اكروباتيكاسى، تاۋ شاڭعىسى، شاڭعىمەن سەكىرۋ، بياتلون جانە شورت-ترەك تۇرلەرىنەن سىنعا تۇسۋدە.

بەيجىڭ وليمپياداسى 20 - اقپاندا مارەسىنە جەتەدى.

اۆتور: كۇنسۇلتان وتارباي