بەيجىڭ-2022: فريستايلدان قازاقستاندىق اتلەت فنيالعا وتە المادى

None
None
بەيجىڭ. قازاقپارات - قىتاي استاناسى بەيجىڭ قالاسىندا ءوتىپ جاتقان اق وليمپيادا ويىندارىندا بۇگىن فريستايل-اكروباتيكاسىنان ەرلەر اراسىنداعى ىرىكتەۋ سىندارى اياقتالدى، دەپ حابارلايدى قازاقپارات ءتىلشىسى.

وكىنىشكە قاراي، اتالعان دودادا ەل نامىسىن قورعاعان 18 جاستاعى وتانداسىمىز شەرزود حاشيربايەۆ ەكىنشى ىرىكەۋ سايىسىندا جارىستىڭ فينالدىق كەزەڭىنە وتە المادى. ول ەكىنشى مۇمكىندىگىندە ترامپليننەن سەكىرىپ، قايتا جەرگە ءتۇسۋ ساتىندە تەپە-تەڭدىگىن ساقتاي الماي قۇلاپ قالدى.

ناتيجەسىندە تورەشىلەر 69,23 عانا ۇپاي بەردى. وسىلايشا ول فينالعا وتە المادى.

ەستەرىڭىزگە سالا كەتەيىك، حاشيربايەۆ ءبىرىنشى ىرىكتەۋ كەزەڭىندە 109,74 ۇپاي الىپ ەكىنشى ىرىكتەۋ كەزەڭىنە جولداما العان بولاتىن.

فريستايلدىڭ اكروباتيكا تۇرىنەن فينال ەرتەڭ، 16- اقپاندا قازاقستاندىقتاردىڭ قاتىسۋىنسىز وتەدى.

ايتا كەتەيىك، اتالعان اق وليمپيادا ويىندارىندا ەلىمىزدىڭ نامىسىن 8 سپورت تۇرىنەن 34 سپورتشى قورعاپ جاتىر.

بەيجىڭ وليمپياداسى 20 اقپاندا مارەسىنە جەتەدى.

اۆتور: كۇنسۇلتان وتارباي

سوڭعى جاڭالىقتار