بەيجىڭ-2022: اقمارجان قالمۇرزايەۆا فينالدىق كەزەڭنەن ءسۇرىندى

فريستايل-اكروباتيكادان بەيجىڭ وليمپياداسىنىڭ فينالدىق كەزەڭنىڭ ءبىرىنشى ىرىكتەۋىندە اقمارجان 71.23 ۇپاي جيناپ، 12 سپورتشىنىڭ ىشىندە 11-ورىن الدى. وسىلايشا ول 6 سپورتشى قاتىساتىن اقتىق سىنعا وتە العان جوق.

فينالدىق كەزەڭنىڭ ءبىرىنشى مۇمكىندىگىندە قالمۇرزايەۆا جاتتىعۋ بارىسىندا قۇلاپ، 52,36 ۇپاي الدى. ال ەكىنشى جاتتىعۋدا وتانداسىمىزدىڭ سول اياعى تايىپ كەتىپ، ترامپلينگە جەتپەدى.

الايدا ۇيىمداستىرۋشىلار وعان تاعى ءبىر قوسىمشا مۇمكىندىك بەردى. ونى اقمارجان ءساتتى پايدالانا ءبىلدى.

وكىنىشكە قاراي تورەشىلەر تاراپىنان تومەن ۇپاي الىپ، تەك 11-ورىنعا تابان تىرەدى.

اۆتور: كۇنسۇلتان وتارباي