الەمدەگى 2021-جىلعى ەڭ كەرەمەت ەلدەر اتالدى
US News & World Report جۋرنالى 2021-جىلعى ەڭ كەرەمەت ەل كانادا دەپ اتادى. رەيتينگ تاريحىندا كانادا العاش رەت كوشباسشى بولدى. سونداي-اق، ەل ءومىر ساپاسى مەن الەۋمەتتىك ماقساتتار بويىنشا ءبىرىنشى ورىندا تۇر.
سوعان بايلانىستى ونى تۇراقتى ەڭبەك نارىعى بار، ادام قۇقىعىنا قامقورلىق جاسايتىن جانە الەۋمەتتىك ادىلەتتىلىكتى ۇستاناتىن مەملەكەت دەپ ساناۋعا بولادى. جەمقورلىق از جانە مەنشىك قۇقىعىن قۇرمەتتەيتىن ەل رەتىندە ۇلكەن جەتىستىككە جەتتى.
ءال جاپونيا بىر ورىنعا كوتەرىلىپ، 2021-جىلى ۇزدىك ەكىنشى بولدى. بۇل ەل قىتاي مەن سينگاپۋر تاراپىنان قاتاڭ باسەكەلەستىكتى كورسەتىپ كەلەدى.
گەرمانيا ۇزدىك ۇشتىكككە كىردى. US News & World Report جۋرنالى جاراتىلىستانۋ جانە الەۋمەتتىك عىلىمدار، سونداي-اق ونەر سالاسىنداعى جەتەكشى الەمدىك قايراتكەرلەر گەرمانيادا دۇنيەگە كەلگەنىن اتاپ ءوتتى.
شۆەيتساريا تورتىنشى ورىندا. 2020-جىلدان باستاپ ەل ءۇش ساتىدان ايىرىلدى.
News & World Report زەرتتەۋىنە سايكەس، بەسىنشى ورىن ءبىر جىل بۇرىنعىداي اۋسترالياعا بۇيىردى.
2021-جىلى ا ق ش التىنشى ورىنعا كوتەرىلدى.
جاڭا زەلانديا الەۋمەتتىك ماقساتتار مەن ناسىلدىك تەڭدىكتى سانالى تۇردە ساقتاۋ بويىنشا الەمدە ءۇشىنشى ورىندا. بۇل وعان وتكەن جىلدان باستاپ ءتورت ساتىعا - 2021-جىلى جەتىنشى ورىنعا كوتەرىلۋگە كومەكتەستى.
COVID-19 پاندەمياسىنىڭ ۇلى بريتانياعا قاتتى اسەر ەتكەنى سونشالىق، پاتشالىق بيىل ەكى ساتىعا ءتۇسىپ، سەگىزىنشى ورىندا قالدى.
شۆەتسيا ەۋروپاداعى ايەلدەر ءۇشىن الەمدەگى ەڭ كەرەمەت ەل بولىپ سانالادى، دەگەنمەن بۇل سكانديناۆيالىق مەملەكەتى جىل ىشىندە ءبىر ورىنعا تومەندەدى جانە توعىزىنشى ورىندا قالدى.
نيدەرلاندى ۇزدىك وندىقتى قورىتىندىلادى، ءبىراق پاتشالىق 2021-جىلعا ارنالعان ناسىلدىك تەڭدىككە دەگەن مىندەتتەمە تۇرعىسىنان كوشباسشى بولدى. بىلتىر بۇل ەل رەيتينگتىڭ توعىزىنشى ورىنىندا بولعان.
kaz.tengritravel.kz