«تۇمار-2021» ۇلتتىق تەلەۆيزيالىق بايقاۋىنا وتىنىمدەر قابىلداۋ باستالدى

None
None
نۇر-سۇلتان. قازاقپارات - 2021-دىڭ 1- ناۋرىزدا tvtumar.kz سايتىندا «تۇمار-2021» ۇلتتىق سىيلىعىن الۋعا وتىنىمدەر قابىلداۋ باستالدى، دەپ حابارلايدى قازاقپارات.

سىيلىققا 2020-جىلى قازاقستاندىق تەلەارنالاردىڭ ەفيرىنە شىققان تەلەۆيزيالىق جوبالار قاتىسا الادى. وتىنىمدەردى رەسپۋبليكالىق جانە ايماقتىق تەلەارنالار، ستۋديالار جانە كاسىبي تەلەۆيزيالىق كونتەنت شىعاراتىن كومپانيالار بەرە الادى.

سىيلىق 10 نوميناتسيا بويىنشا بەرىلەدى:

ۇزدىك تەلەۆيزيالىق سەريال

ۇزدىك دەرەكتى فيلم

ۇزدىك اقپاراتتىق باعدارلاما

ۇزدىك الەۋمەتتىك جوبا

ۇزدىك توك-شوۋ

ۇزدىك ويىن-ساۋىق باعدارلاماسى

ۇزدىك تەلەجۇرگىزۋشى

ۇزدىك تەلەجۋرناليست

ۇزدىك رەجيسسەرلىك جۇمىس

ۇزدىك ايماقتىق تەلەارنا

2021-جىلى بايگە بەسىنشى رەت وتكىزىلەدى. ول العاش رەت 2017-جىلى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ باستاماسىمەن قۇرىلعان. سىيلىقتىڭ باستى ماقساتى - كاسىبي قوعامداستىقتىڭ باعالاۋى ارقىلى قازاقستاندىق تەلەۆيزيالىق يندۋستريانىڭ دامۋىن ىنتالاندىرۋ.

وتكەن جىلدار ىشىندە مىڭنان استام جۋرناليست قاتىسۋعا ءوتىنىم بەرىپ، 178 جۇمىس نومينانتتار تىزىمىنە ەندى. ەكسكليۋزيۆتى مۇسىنشەگە وتاندىق تەلەۆيزيالىق جۋرناليستيكانىڭ 48 مامانى يە بولدى.

وتاندىق ۇزدىك جوبالار تەليەۆيزيالىق ونەر سالاسىنداعى جوعارى جەتىستىكتەرى ءۇشىن «تۇمار» سىيلىعىنىڭ مۇسىنشەلەرىنە يە بولادى. مۇسىندە تۇماردى بەينەلەيتىن جانە ءوز يەسىن قورعايتىن تۇركى تۇمارى بەينەلەنگەن. ءوز كەزەگىندە «تۇمار» ۇلتتىق سىيلىعى تابىس بەينەسى مەن بولاشاققا دەگەن سەنىمدى كوزقاراسقا اينالدى.

جەڭىمپازداردىڭ ەسىمدەرى ءساۋىر ايىندا بەلگىلى بولادى. جەڭىمپازدار قازاقستاندىق تەلەۆيزيانى دامىتۋعا قوسقان ۇلەسى ءۇشىن تۇمار مۇسىنشەسىنە جانە 1 ميلليون تەڭگە كولەمىندەگى سىياقىعا يە بولادى.


سوڭعى جاڭالىقتار