ق ر پرەزيدەنتى 2021-جىلدى - تاۋەلسىزدىكتىڭ 30 جىلدىعى دەپ جاريالادى

«ۇلتتىق قوعامدىق سەنىم كەڭەسىنىڭ IV وتىرىسىندا 2021 -جىلدى تاۋەلسىزدىكتىڭ 30 جىلدىعى دەپ جاريالاۋ تۋرالى شەشىمىمدى ايتتىم. بۇل وتكەن جولىمىزدى زەردەلەۋگە جاقسى مۇمكىندىك. مەرەيتوي ساياسي- ەكونوميكالىق رەفورمالار، سيفرلاندىرۋ، بالالار مەن مۇگەدەكتەردىڭ قۇقىعىن قورعاۋ، ەكولوگيا ماسەلەسىن شەشۋ اياسىندا وتەدى»، دەپ جازدى مەملەكەت باسشىسى Twitter- دە.

ەسكە سالايىق، بۇگىن قاسىم- جومارت توقايەۆتىڭ قاتىسۋىمەن ۇلتتىق قوعامدىق سەنىم كەڭەسىنىڭ ءتورتىنشى وتىرىسى ءوتتى. وتىرىس بارىسىندا پرەزيدەنت ق ر تاۋەلسىزدىگىنىڭ 30 جىلدىق مەرەيتويىنا وراي پىكىر ءبىلدىرىپ، قازىر وسىناۋ ماڭىزدى تاريحي داتاعا وراي كوپتەگەن سالتاناتتى شارا وتكىزەتىن ۋاقىت ەمەستىگىن اتاپ ايتتى.

«ءبىز ماڭىزدى ىستەردى ۇزاققا سوزباي، قىسقا مەرزىمدە ناقتى ناتيجەلەرگە قول جەتكىزۋىمىز كەرەك»، - دەگەن بولاتىن مەملەكەت باسشىسى.