+7 (701) 759 90 19
5 °С : نۇر-سۇلتان
12 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

توكيو-2020: ولگا رىپاكوۆا فينالدان تىس قالدى

30 شىلدە 18:21
:ءبولىسۋ
توكيو-2020: ولگا رىپاكوۆا فينالدان تىس قالدى

توكيو. قازاقپارات - توكيو وليمپياداسىندا ءۇش قارعىپ سەكىرۋدە قازاقستاندىق ولگا رىپاكوۆا فينالدان تىس قالدى، دەپ حابارلايدى قازاقپارات ءتىلشىسى.

بۇگىن وليمپيادادا جەڭىل اتلەتيكا سايىسى باستالدى. وندا ايەلدەر اراسىندا ەلىمىزدەن ولگا رىپاكوۆا، يرينا ەكتوۆا مەن ماريا وۆچيننيكوۆا جارىس جولىنا شىقتى. العاشقى سايىسىندا و. رىپاكوۆانىڭ كورسەتكىشى 13.66 بولدى. ودان كەيىن اتالعان كورسەتكىش 13.69 گە جەتتى. بۇل - بيىلعى ماۋسىمداعى ونىڭ جوعارى كورسەتكىشى. ال ۇشىنشىسىندە ءوز كورسەتكىشىن تومەندەتىپ الدى.

وسىلايشا و. رىپاكوۆا فينالعا وتكەن 12 سپورتشىنىڭ قاتارىنا ەنە العان جوق. يرينا ەكتوۆا مەن ماريا وۆچيننيكوۆا دا جۇلدەگە تالاساتىن تىزىمنەن تىس قالدى. اتالعان سايىس تۇرىنەن فينال 1-تامىزعا بەلگىلەنگەن. ولگا رىپاكوۆا بۇعان دەيىنگى ءۇش وليمپيادادا دا جۇلدەگەرلەر قاتارىنان كورىندى. 2008 -جىلى كۇمىس، 2012 -جىلى التىن، 2016 -جىلى قولا جۇلدەگەر اتاندى.

بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىنادى. وليمپيادا باعدارلاماسىنا بەيسبول/سوفتبول، كاراتە، سەرفينگ، سپورتتىق قۇزعا ورمەلەۋ جانە سكەيتبوردينگ سەكىلدى سپورتتىڭ بەس ءتۇرى ەنگىزىلگەن.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات