وليمپيادا-2020: قازاقستان سپورتتىڭ قاي تۇرلەرىنەن جۇلدە كۇتەدى
«ءبىز بالۋاندارىمىزعا، جەڭىل اتلەتيكاداعى كەيبىر سپورتشىلارعا ءۇمىت ارتىپ وتىرمىز. بىزدە جاڭا سپورت ءتۇرى - كاراتەدە دە جاقسى قۇراما بار، سونىمەن قاتار سپورتتىق قۇزعا ورمەلەۋشىلەر دە مەدال الا الادى. باسقا باعىتتاردا دا سپورتشىلارىمىزدىڭ مەدال الۋى ابدەن مۇمكىن»، - دەپ جاۋاپ بەردى س. ساپيەۆ ورتالىق كوممۋنيكاتسيالار قىزمەتىندە ءتىلشى سۇراعىنا.
بۇعان دەيىن سەرىك ساپيەۆ قازاقستان بوكسشىلارى قانشا جۇلدە اكەلۋى مۇمكىن ەكەنىن ايتقان ەدى.
«بوكستان جۇلدە الۋعا ءالى دە ءۇمىتىمىز بار. ءۇش- ءتورت مەدال الۋعا بولادى. ەندى ساكەن بيبوسىنوۆتىڭ قارسىلاسى - فرانسيا بوكسشىسى، ول وتە مىقتى، ودان وتسە كەلەسى قارسىلاستارىنىڭ دەڭگەيى فرانسيالىقتاي بولمايدى. سوسىن ءابىلحان امانقۇلدىڭ، قامشىبەك قوڭقابايەۆتىڭ جانە زاكىر سافيۋلليننىڭ قار س ىلاستارى ايتارلىقتاي كوشباسشىلار ەمەس، ولاردى جەڭۋگە بولادى. سول ءۇشىن قالعان ءتورت بوكسشىمىز ءتورت مەدال اكەلۋى دە مۇمكىن»، - دەدى بوكسشى.