توكيو-2020: مەدالدار كەستەسىندە قازاقستان قاي ورىندا تۇر

None
None
توكيو. قازاقپارات - جاپونيا استاناسى توكيو قالاسىندا ءوتىپ جاتقان وليمپيادا ويىندارىندا 27 -شىلدەدەگى مەدالدار ەسەبى جاريالاندى، دەپ حابارلايدى قازاقپارات.

ايتا كەتەيىك، ازىرگە قازاقستان قۇراماسىنىڭ قورجىنىندا ءۇش قولا مەدال بار. العاشقىسىن 24-شىلدەدە دزيۋدوشى ەلدوس سمەتوۆ يەمدەنسە، ودان كەيىنگى ەكى مەدالدى 25 جانە 26-شىلدەدە اۋىر اتلەت يگور سون مەن زۋلفيا چينشانلو الدى. وسىلايشا ءۇش قولا مەدال العان ەل قۇراماسى جالپى كوماندالىق ەسەپتە 47-ورىنعا تابان تىرەدى.

ۋكراينا قۇراماسىنىڭ دا قورجىنىندا ءۇش قولا بار. قازىرگە دەيىن 56 مەملەكەتتەن كەلگەن سپورتشىلار مەدال الىپ ۇلگەردى. مەدال الۋ جونىنەن جاپونيا كوش باسىنا شىقتى.

ونىڭ ەنشىسىندە 10 التىن، 3 كۇمىس، 5 قولا مەدال بار. ەكىنشى ورىنداعى ا ق ش-قا ازىرگە 9 التىن، 8 كۇمىس، 8 قولا بۇيىردى. ال قىتاي 9 التىن، 5 كۇمىس، 7 قولامەن ءۇشىنشى ورىندا تۇر. توكيو وليمپياداسىندا مەدال العان ەل قۇرامالارىنىڭ 27-شىلدەدەگى العاشقى وندىقتاعى كەستەسى تومەندەگىشە:

1. جاپونيا - 10-3-5

2. ا ق ش - 9-8-8

3. قىتاي - 9-5-7

4. رەسەي - 7-7-4

5. ۇلى بريتانيا - 4-5-4 6.

وڭتۇستىك كورەيا - 3-2-5 7.

اۆستراليا- 3-1-5 8.

كانادا - 2-3-3 9.

فرانسيا - 2-2-3 10.

گەرمانيا - 2-0-3

بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىنادى.

ايتۋلى الامانعا جەر بەتىندەگى 206 مەملەكەتتەن 11 مىڭنان استام سپورتشى قاتىسۋدا.

بۇعان دەيىن قازاقستان قۇراماسى التى جازعى وليمپيادادا باق سىنادى.

جالپى العاندا 21 التىن، 28 كۇمىس، 64 قولا مەدال الدى.

سوڭعى جاڭالىقتار