دوللارلانۋ دەڭگەيى 2020 -جىلدىڭ سوڭىندا تومەندەدى - ۇلتتىق بانك

ق ر ۇلتتىق بانكىنىڭ حابارلاۋىنشا، رەزيدەنتتەردىڭ دەپوزيتتىك ۇيىمدارداعى دەپوزيتتەرىنىڭ كولەمى ءبىر ايدا 0,7 پايىزعا ۇلعايىپ، 2020 -جىلى جەلتوقساننىڭ سوڭىندا 22089,7 ميلليارد تەڭگە بولدى.

زاڭدى تۇلعالاردىڭ دەپوزيتتەرى ءبىر ايدا 11297,7 ميلليارد تەڭگەگە دەيىن، ياعني 2,0 پايىزعا تومەندەدى، جەكە تۇلعالاردىڭ دەپوزيتتەرى 10792,1 ميلليارد تەڭگەگە دەيىن 3,6 پايىزعا ءوستى. ءبىر ايدا ۇلتتىق ۆاليۋتاداعى دەپوزيتتەر كولەمى 13855,7 ميلليارد تەڭگەگە دەيىن 4,0 پايىزعا ۇلعايدى.

ال شەتەل ۆاليۋتاسىنداعى دەپوزيتتەر كولەمى 8234,0 ميلليارد تەڭگەگە دەيىن 4,5 پايىزعا تومەندەدى. دوللارلاندىرۋ دەڭگەيى 2020 -جىلعى جەلتوقساننىڭ سوڭىندا 37,3 پايىز (2019 -جىلعى جەلتوقساندا - 43,1 پايىز) بولدى.

زاڭدى تۇلعالاردىڭ ۇلتتىق ۆاليۋتاداعى دەپوزيتتەرى 2020 -جىلعى جەلتوقساندا 7205,0 ميلليارد تەڭگەگە دەيىن 1,3 پايىزعا ۇلعايدى، شەتەل ۆاليۋتاسىنداعى دەپوزيتتەرى 4092,7 ميلليارد تەڭگەگە دەيىن 7,2 پايىزعا ازايدى (زاڭدى تۇلعالار دەپوزيتتەرىنەن 36,2 پايىز).

جەكە تۇلعالاردىڭ تەڭگەدەگى دەپوزيتتەرى 6650,7 ميلليارد تەڭگەگە دەيىن 7,1 پايىزعا ۇلعايدى، شەتەل ۆاليۋتاسىنداعى دەپوزيتتەرى 4141,4 ميلليارد تەڭگەگە دەيىن 1,5 پايىزعا قىسقاردى (جەكە تۇلعالار دەپوزيتتەرىنەن 38,4 پايىز).

مەرزىمدى دەپوزيتتەردىڭ كولەمى ءبىر ايدا 3,7 پايىزعا ۇلعايىپ، 15279,6 ميلليارد تەڭگە بولدى. ولاردىڭ قۇرىلىمىندا ۇلتتىق ۆاليۋتاداعى سالىمدار 9496,8 ميلليارد تەڭگەنى، شەتەل ۆاليۋتاسىنداعى سالىمدار - 5782,9 ميلليارد تەڭگەنى قۇرادى.

بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرى بويىنشا ورتاشا الىنعان سىياقى مولشەرلەمەسى 7,3 پايىز (2019 -جىلعى جەلتوقساندا - 7,4 پايىز)، جەكە تۇلعالاردىڭ دەپوزيتتەرى بويىنشا - 9,2 پايىز (9,0 پايىز) بولدى.

اۆتور: گۇلميرا عوسمانالي