«سامۇرىق-قازىنا» 2019-جىلدىڭ قورىتىندىسى بويىنشا ديۆيدەندتەردى تولەيتىن بولدى

None
None
نۇر-سۇلتان. قازاقپارات - «سامۇرىق-قازىنا» ا ق 2019-جىلدىڭ قورىتىندىسى بويىنشا ديۆيدەندتەردى تولەيدى.

بۇعان قاتىستى ۇكىمەتتىڭ «اكتسيالاردىڭ مەملەكەتتىك پاكەتتەرىنە ديۆيدەندتەر مەن ۇيىمدارداعى مەملەكەتتىك قاتىسۋ ۇلەستەرىنە كىرىستەر تۋرالى» قاۋلىسى جاريالاندى، دەپ حابارلايدى قازاقپارات ءتىلشىسى.

«مەملەكەتتىك مۇلىك تۋرالى» 2011-جىلعى 1- ناۋرىزداعى ق ر زاڭىنىڭ 186-بابىنا جانە 2020-جىلعى 23- ناۋرىزداعى ق ر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وتىرىسىنىڭ حاتتاماسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. اكتسيونەرلىك قوعام (جاۋاپكەرشىلىگى شەكتەۋلى سەرىكتەستىك) اكتسيالارىنىڭ مەملەكەتتىك پاكەتىن (جارعىلىق كاپيتالداعى قاتىسۋ ۇلەستەرىن) يەلەنۋ جانە پايدالانۋ قۇقىعىن جۇزەگە اسىراتىن مەملەكەتتىك ورگاندار زاڭنامادا بەلگىلەنگەن تارتىپپەن اكتسيونەرلەردىڭ (قاتىسۋشىلاردىڭ) جىلدىق جالپى جينالىستارىن وتكىزۋ كەزىندە اكتسيونەرلىك قوعامنىڭ (جاۋاپكەرشىلىگى شەكتەۋلى سەرىكتەستىكتىڭ) تازا كىرىسىنىڭ ءبىر بولىگىن 2019-جىل قورىتىندىسى بويىنشا جىلدىق قارجىلىق ەسەپتىلىكتە كورسەتىلگەن تازا كىرىس سوماسىنىڭ 100 (ءجۇز) پروتسەنتىنە دەيىنگى مولشەردە ديۆيدەندتەردى (كىرىس) تولەۋگە جىبەرۋ جانە ولاردى ۋاقتىلى اۋدارۋ ءۇشىن شارالار قابىلداسىن.

2. «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى زاڭنامادا بەلگىلەنگەن تارتىپپەن 2019-جىلدىڭ قورىتىندىسى بويىنشا تازا كىرىستى 100 (ءجۇز) پروتسەنتكە دەيىنگى مولشەردە ديۆيدەندتەر تولەۋگە جىبەرۋ ءۇشىن شارالار قابىلداسىن.

3. اكتسيونەرلىك قوعام (جاۋاپكەرشىلىگى شەكتەۋلى سەرىكتەستىك) اكتسيالارىنىڭ مەملەكەتتىك پاكەتىن (جارعىلىق كاپيتالداعى قاتىسۋ ۇلەستەرىن) يەلەنۋ جانە پايدالانۋ قۇقىعىن جۇزەگە اسىراتىن مەملەكەتتىك ورگاندار زاڭنامادا بەلگىلەنگەن تارتىپپەن 2020-جىلدىڭ قورىتىندىلارى بويىنشا جانە ودان كەيىنگى جىلداردىڭ اكتسيونەرلەردىڭ (قاتىسۋشىلاردىڭ) جىلدىق جالپى جينالىستارىن وتكىزۋ كەزىندە اكتسيونەرلىك قوعامنىڭ (جاۋاپكەرشىلىگى شەكتەۋلى سەرىكتەستىكتىڭ) تازا كىرىسىنىڭ ءبىر بولىگىن شوعىرلاندىرىلعان جىلدىق قارجىلىق ەسەپتىلىكتە، ال ەنشىلەس ۇيىمى (ۇيىمدارى) بولماعان جاعدايدا شوعىرلاندىرىلماعان جىلدىق قارجىلىق ەسەپتىلىكتە كورسەتىلگەن تازا كىرىس سوماسىنىڭ كەمىندە 70 (جەتپىس) پروتسەنتى مولشەرىندە ديۆيدەندتەر (كىرىس) تولەۋگە جىبەرۋ جانە ولاردى ۋاقتىلى اۋدارۋ ءۇشىن شارالار قابىلداسىن.

4. اكتسيونەرلىك قوعام (جاۋاپكەرشىلىگى شەكتەۋلى سەرىكتەستىك) ءۇشىن تازا كىرىستىڭ وسى قاۋلىنىڭ 3-تارماعىنا سايكەس ايقىندالعان پروتسەنتتىك اراقاتىناستان تومەن مولشەردە ديۆيدەندتەر (كىرىس) تولەۋگە ارنالعان بولىگىن بەلگىلەۋدى رەسپۋبليكالىق بيۋجەت كوميسسياسى مىندەتتى تۇردە قاراۋى ءتيىس.

5. وسى قاۋلىعا قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن.

6. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.

سوڭعى جاڭالىقتار