زايساندا 200 كەلىدەن استام بۇعى ءمۇيىزى ۇرلاندى

ول 23 جاستاعى زايسان اۋدانىنىڭ تۇرعىنى بولىپ شىقتى. ۇرلىق وتكەن جىلدىڭ جەلتوقسان ايىندا بولعان. زايسان اۋدانى پوليتسيا ءبولىمىنىڭ «102» جەدەل ارناسىنا زايسان قالاسىندا ورنالاسقان جاۋاپكەرشىلىگى شەكتەۋلى سەرىكتەستىكتەردىڭ ءبىرىنىڭ 62 جاستاعى كۇزەتشىنەن قىزىل كىتاپقا تىركەلگەن جانۋاردىڭ مۇيىزدەرىن ۇرلاۋ فاكتىسى بويىنشا اقپارات تۇسكەن.

«تەكسەرۋ بارىسىندا تۇندە بەلگىسىز بىرەۋ جاۋاپكەرشىلىگى شەكتەۋلى سەرىكتەستىكتىڭ اۋماعىنا كىرىپ، كونتەينەردىڭ اسپالى قۇلىبىن بۇزىپ، قوراپتاردى ۇرلاپ كەتكەنى انىقتالدى. ونىڭ ىشىندە جالپى سالماعى 236 كيلوگرامنان اساتىن بۇعىنىڭ مۇيىزدەرى بولعان»، - دەدى ش ق و پ د باستىعى ساعات ماديەۆ.

اعىمداعى جىلدىڭ اقپان ايىندا كۇدىكتى الماتى قالاسىندا ۇستالدى. ۇستاۋ بارىسىندا ەر ادام ۇرلانعان زاتتاردان قۇتىلماق بولىپ ولاردى كولىگىنەن جولدىڭ بويىنا لاقتىرىپ كەتكەن. قازىرگى ۋاقىتتا ايعاق زاتتار تاركىلەندى. تەرگەۋ جالعاسۋدا.

«اتالعان فاكتى ق ر ق ك- ءنىڭ 188-بابىنىڭ 3-بولىگى 3-تارماعى بويىنشا (تۇرعىن، قىزمەتتىك نەمەسە وندىرىستىك ءۇي- جايعا، قويماعا نە كولىك قۇرالىنا زاڭسىز كىرۋمەن جاسالعان ۇرلىق) سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە ەنگىزىلدى»، - دەپ حابارلايدى ش ق و پ د باسپا ءسوز قىزمەتى.