بيىل قىتايدىڭ قورعانىسقا جۇمسايتىن شىعىنى 200 ميلليارد دوللاردان اسادى

بۇل تۋرالى بيىلعى جىلعا ارنالعان ورتالىق جانە جەرگىلىكتى بيۋدجەت بايانداماسىنىڭ جوباسىندا ايتىلعان، دەپ حابارلايدى قازاقپاراتتىڭ مەنشىكتى ءتىلشىسى.

«ۇلتتىق قورعانىسقا جۇمسالاتىن شىعىن 1,355 تريلليون يۋانعا جەتىپ، % 6,8- عا وسەدى»، - دەلىنگەن باياندامادا.

ەسكە سالا كەتەيىك، 2020 -جىلى ق ح ر- دىڭ قورعانىس بيۋدجەتى % 6,6- عا (1,26 تريلليون يۋانعا دەيىن)، ال 2019 –جىلى % 7,5- عا (1,19 تريلليون يۋانعا دەيىن) ۇلعايعان بولاتىن. بۇل رەتتە 2021 -جىلى سىرتقى ساياسي قىزمەتكە جۇمسالاتىن شىعىندار % 1,9- عا، ياعني 50,414 ميلليارد يۋانعا (شامامەن 7,76 ميلليارد دوللار) دەيىن ازايادى، ال قوعامدىق قاۋىپسىزدىكتى قامتاماسىز ەتۋگە ارنالعان شىعىندار % 0,7 - عا، ياعني 185,092 ميلليارد يۋانعا (شامامەن 28,5 ميلليارد دوللار) دەيىن وسەدى.

جالپى العاندا، ورتالىق بيۋدجەتتىڭ جەكە شىعىندارى 3,5 تريلليون يۋاندى (شامامەن 539 ميلليارد دوللار) قۇرايدى، بۇل كورسەتكىش ەكىنشى جىل قاتارىنان % 0,2- عا تومەندەگەن. بۇعان دەيىن بەيجىڭدە 13- سايلانعان بۇكىل قىتايلىق حالىق وكىلدەرى جينالىسىنىڭ (ب ح ء و ج، پارلامەنت) ءتورتىنشى سەسسياسى اشىلعانى حابارلانعان بولاتىن.

اۆتور: اياۋلىم التىنبەك