قازاقستاننىڭ 2 ءىرى اۋەجايىنا «Ashyq» قوسىمشاسى ەنگىزىلەدى - جولاۋشىلار نەنى ءبىلۋى كەرەك؟

None
None
نۇر- سۇلتان. قازاقپارات - نۇر- سۇلتان جانە الماتى قالالارىنداعى حالىقارالىق اۋەجايىنا جولاۋشىلار «Ashyq» قوسىمشاسى ارقىلى كىرگىزىلمەك. بۇل تۋرالى باس مەملەكەتتىك سانيتاريالىق دارىگەرىنىڭ جاڭا قاۋلىسىندا جازىلعان، دەپ حابارلايدى قازاقپارات.

قاۋلىعا سايكەس «Ashyq» قوسىمشاسى نۇرسۇلتان نازاربايەۆ حالىقارالىق اۋەجايىنا 12-مامىردان، ال الماتى اۋەجايىنا 21-مامىردان باستاپ ەنگىزىلەدى. قاۋلىنىڭ تولىق ءماتىنىن مىنا جەردەن وقۋعا بولادى. ايتا كەتسەك، بۇعان دەيىن نۇرسۇلتان نازاربايەۆ حالىقارالىق اۋەجايىن «Ashyq» قوسىمشاسى تۋرالى حابارلاپ، جولاۋشىلارعا ەسكەرتۋ جاسادى.

«Ashyq قوسىمشاسى جولاۋشىلار مەن قىزمەتكەرلەرگە قوسىمشا قاۋىپسىزدىك كەپىلى بولماق. وسىعان بايلانىستى، بارلىق جولاۋشىلاردان اۋەجايعا كەلگەنگە دەيىن الدىن الا قوسىمشانى جۇكتەپ الىپ، ءوز مارتەبەسىن تەكسەرۋ سۇرالادى. تەرمينال عيماراتىنا سارى جانە قىزىل مارتەبەلى جولاۋشىلارعا كىرۋگە رۇقسات بەرىلمەيدى. رەيسكە جىبەرىلمەگەن جاعدايدا، قاراجاتتى قايتارۋ بويىنشا سۇراقتاردى اۋە كومپانيالارى قاراستىرادى»، - دەلىنگەن اۋەجاي تاراتقان حابارلامادا.


سوڭعى جاڭالىقتار