قازاقستان مەن قىتاي اراسىندا 1- شىلدەدەن باستاپ اۋە رەيستەرى قايتا جاندانادى

وسىلايشا 2020-جىلدان بەرى العاش رەت قازاقستاندىق «Air Astana» اۋە كومپانياسى 1- شىلدەدەن باستاپ جۇما كۇندەرى اپتاسىنا 1 رەيس جيىلىگىمەن الماتى - چەندۋ باعىتى بويىنشا تۇراقتى جولاۋشىلار رەيسىن جاڭارتادى.

سونداي-اق، 7- شىلدەدەن باستاپ جۇما كۇندەرى قوسىمشا رەيس قوسىلادى.

رەيستەر Boeing-767 جانە A 321 NEO ءتيپتى اۋە كەمەلەرىندە ورىندالادى. ءوز كەزەگىندە، ق ح ر تاراپىنان «China Southern Airlines» قىتايلىق اۋە كومپانياسى 1- شىلدەدەن باستاپ جۇما كۇندەرى اپتاسىنا 1 رەيس جيىلىگىمەن الماتى - ءۇرىمجى باعىتى بويىنشا تۇراقتى جولاۋشىلار اۋە رەيستەرىن جاڭارتۋدى جوسپارلاپ وتىر.

رەيستەر Boeing-737 جانە Boeing-787 اۋە كەمەلەرىندە ورىندالادى.

قازاقستان مەن قىتاي اراسىنداعى اۋە قاتىناسىن قالپىنا كەلتىرۋ ەكى دوستاس ەل اراسىنداعى ساۋدا-ەكونوميكالىق، ينۆەستيتسيالىق، تۋريستىك جانە مادەني ىنتىماقتاستىقتى دامىتۋدى جەدەلدەتۋگە مۇمكىندىك بەرەدى، سونداي-اق ق ح ر ازاماتتارى ءۇشىن ەنگىزۋگە جوسپارلانعان 14 كۇندىك ۆيزاسىز رەجيمدى تولىق پايدالانۋعا ىقپال ەتەدى.

رەيستەر سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۋە كومپانيالاردىڭ سايتىندا جاريالانعان كەستەمەن ورىنداۋ جوسپارلانعانىن اتاپ وتكەن ءجون.