20:12, 18 - قاڭتار 2021 | GMT +6
قازاقستاندا 1- ناۋرىزدان باستاپ پويىز بيلەتتەرى قىمباتتايدى
نۇر-سۇلتان. قازاقپارات - 2021-جىلدىڭ 1- ناۋرىزىنان باستاپ وبلىس-ارالىق جانە قالا ماڭىنا قاتىنايتىن بارلىق الەۋمەتتىك ماڭىزى بار باعىتتارعا تەمىرجول بيلەتىنىڭ قۇنى %7 قىمباتتايدى، دەپ حابارلايدى قازاقپارات.
«جولاۋشىلار تاسىمالى» ا ق مالىمەتىنە سەنسەك، كومپانيا جولاۋشى تاسىمالداۋ ساپاسىن جاقسارتۋعا، ونىڭ ىشىندە جىلجىمالى قۇرام پاركىن جاڭارتۋعا جانە قىزمەت كورسەتۋدىڭ جاڭا ستاندارتتارىن ەنگىزۋگە باعىتتالعان شارالاردى جۇرگىزىپ وتىر.
«جولاۋشىلار تاسىمالى» ا ق 2018-جىلدان 2020-جىلعا دەيىن 159 ۆاگون ساتىپ العان. اتالمىش ۆاگوندار مىنا باعىتتارعا قاتىنايتىن جولاۋشى پويىزدارىنىڭ قۇرامىندا بار : الماتى-ماڭعىستاۋ، نۇر-سۇلتان-سارىاعاش، اتىراۋ-نۇر-سۇلتان، اتىراۋ-الماتى، نۇر- سۇلتان-ارقالىق، اتىراۋ-ماڭعىستاۋ، الماتى-جەزقازعان جانە نۇر-سۇلتان-سەمەي.
سونىمەن قاتار، 1- توقساندا 50 جاڭا ۆاگون جەتكىزىلەدى دەپ كۇتىلۋدە.
بۇل ۆاگوندار مىنا باعىتتار بويىنشا قاتىنايدى: الماتى-ماڭعىستاۋ، قىزىلوردا-سەمەي، الماتى-وسكەمەن جانە نۇر-سۇلتان-سەمەي.