الماتىدا ازىق- تۇلىكتىك ەمەس بازارلار 1- ماۋسىمنان اشىلۋى مۇمكىن

بۇعان دەيىن قالا اكىمدىگى ساۋدا ۇيلەرى، ساۋدا ورتالىقتارىنىڭ 25 - مامىردان باستاپ اشىلاتىنىن حابارلاعان بولاتىن .

«بارلىق بازارلار ءبىر مەزەتتە اشىلادى دەگەن ءسوز ەمەس. ازىق تۇلىكتىك ەمەس بازارلارعا كەلسەك، ولاردىڭ كوپشىلىگى سانيتارلىق نورمالاردى ورىنداعان جاعدايدا عانا اشىلادى. كوميسسيا شەشىمىنە سايكەس، مۇنداي نىساندار اۋديتتەن وتكەن سوڭ 1 - ماۋسىمنان باستاپ اشىلۋى مۇمكىن. نىسانداردى اشۋ ولاردىڭ ازىرلىگىنە مىندەتتى باعالاۋ جۇرگىزىلگەننەن كەيىن عانا مۇمكىن بولادى»، - دەدى باسقارما باسشىسى ەركەبۇلان ورازالين.

بۇدان بۇرىن جابىلعان بازارلاردىڭ قىزمەتىنە قويىلعان شەكتەۋلەردى الۋ كەزەڭ- كەزەڭمەن جۇرگىزىلەتىن بولادى. 2020 -جىلعى 25 - مامىردان باستاپ، بوساڭسۋدىڭ كەزەكتى كەزەڭىنىڭ شەڭبەرىندە، قالادا بارلىق حالىققا قىزمەت كورسەتۋ ورتالىقتارىنىڭ، سونداي- اق بۇدان بۇرىن جابىلعان ازىق- تۇلىك بازارلارى مەن امبەباپ بازارلارى ازىق- تۇلىك قاتارلارىنىڭ، سانيتاريالىق- ەپيدەميولوگيالىق نورمالارعا سايكەس كەلگەن جاعدايدا، ولاردىڭ قىزمەتىنە قويىلعان شەكتەۋلەردى الۋ جوسپارلانىپ وتىر.

شەكتەۋلەر الىنعاننان كەيىن 5 ارنايى ح ق ك و، 2 ميگراتسيالىق قىزمەت كورسەتۋ ورتالىعىن جانە 2 سيفرلىق قىزمەت كورسەتۋ ورتالىعىن قوسا العاندا 16 فرونت- وفيستىڭ قىزمەتى قايتا باستالادى. ونىڭ ارقاسىندا 1600 استام ادام، ونىڭ ىشىندە، كليەنتتەرمەن تىكەلەي بايلانىستا جۇمىس ىستەيتىن 933 فرونت- وفيس قىزمەتكەرى جۇمىسقا ورالادى دەپ بولجانىپ وتىر.

وبلىستا تۇراتىن قىزمەتكەرلەرگە قالاعا كىرۋگە جانە قالادان شىعۋعا رۇقسات بەرىلدى. قالاعا كىرۋدىڭ مىندەتتى شارتى ولاردىڭ دەرەكتەرىن almaty.infokazakhstan.kz. بازاسىنا ەنگىزۋ بولىپ تابىلادى. نىسانداردى تىركەۋ ولار جۇمىسقا بارۋعا رۇقسات العاننان كەيىن مۇمكىن بولادى.

اۆتور: گۇلميرا عوسمانالي