+7 (701) 759 90 19
18 °С : نۇر-سۇلتان
20 °С : الماتى
USD 399.51 EUR 447.33
RUB 5.78 CNY 56.10
جاڭالىقتار

ەلوردادا بالانى 1-سىنىپقا قابىلداۋ ءتارتىبى جاريالاندى

22 مامىر 13:12
:ءبولىسۋ
ەلوردادا بالانى 1-سىنىپقا قابىلداۋ ءتارتىبى جاريالاندى

نۇر-سۇلتان. قازاقپارات - نۇر-سۇلتان قالاسىنىڭ ءبىلىم باسقارماسىنىڭ باسشىسى شولپان قادىروۆا جاڭا وقۋ جىلىندا 1-سىنىپقا قابىلداۋ، مەكتەپتەن مەكتەپكە، سىنىپتان سىنىپقا اۋىستىرۋ ماسەلەسى قالاي رەتتەلەتىنىن ايتىپ بەردى، دەپ حابارلايدى قازاقپارات ءتىلشىسى.

«بالالاردى ءبىرىنشى سىنىپقا قابىلداۋ، مەكتەپتەن مەكتەپكە، سىنىپتان سىنىپقا اۋىستىرۋ قىزمەتى EGOV.kz ەلەكتروندىق ۇكىمەت پورتالى ارقىلى اۆتوماتتاندىرىلعان.

اتا-انالار پورتالدىڭ «ءبىلىم بەرۋ» بولىمىندە «ورتا ءبىلىم بەرۋ» ءبولىمىن تاڭداۋ ارقىلى كىرىپ، ءوتىنىش بەرىپ، قاجەتتى قۇجاتتاردى تىركەيدى. قۇجات تاپسىرۋ مەرزىمى - 15 مينۋت. مەملەكەتتىك قىزمەت كورسەتۋ نىسانى - ەلەكتروندى. اتا- انانىڭ جەكە كابينەتىنە بالانى قابىلداعان نەمەسە قابىلداماعانى سەبەبى تۋرالى حابارلاما كەلەدى»، - دەدى شولپان قادىروۆا نۇر-سۇلتان قالاسى اكىمدىگىنىڭ Facebook پاراقشاسىندا ونلاين رەجيمدە وتكەن باسپا ءسوز ءماسليحاتىندا.

ءبىرىنشى سىنىپقا بالالاردى قابىلداۋ ءۇشىن قۇجاتتار ءتىزىمىن تولىق وتكىزۋ قاجەت. ولار: بالانىڭ اتا- اناسىنان (زاڭدى وكىلدەرىنەن) ءوتىنىش (ەركىن تۇردە)، بالانىڭ تۋۋ تۋرالى كۋالىگىنىڭ كوشىرمەسى، بالا دەنساۋلىعى پاسپورتى (026/ۋ-3 فورما، 063/ۋ نىسان بويىنشا دەنساۋلىق جاعدايى تۋرالى قۇجات)، 3x4 كولەمىندەگى فوتو.

«ەرەكشە ءبىلىم بەرۋ قاجەتتىگى بار بالالاردى ءبىلىم بەرۋ ۇيىمدارىنا وقۋعا قابىلداۋ ءۇشىن پورتالعا قوسىمشا پەداگوگيكالىق- مەديتسينالىق- پسيحولوگيالىق كوميسسيانىڭ قورىتىندىسى ەلەكتروندى تۇردە (سكانۆەرسيا، فوتو) زاڭدى وكىلدەردىڭ كەلىسىمىمەن ۇسىنىلادى. سىزدەردىڭ نازارلارىڭىزعا تاعى ءبىر رەت اتاپ وتكىم كەلەدى: مەكتەپتىڭ قابىلداۋ كوميسسياسى وقۋعا ءوتىنىش بەرگەن كەزدە باسقا قوسىمشا قۇجاتتاردى تالاپ ەتپەۋى ءتيىس. قۇجاتتاردى قابىلداۋ 2020 -جىلدىڭ 1-ماۋسىمىنان باستالادى. جاڭا وقۋ جىلىنا دايىندىق ماقساتىندا 17 تامىزدان باستاپ مەكتەپتەردە اتا- انالاردىڭ قالاۋى بويىنشا اقىسىز نەگىزدە جازعى مەكتەپ جۇمىسىن وتكىزۋ جوسپارلانۋدا»، - دەدى ول.

كەز-كەلگەن وزگەرىستەر تۋرالى اقپارات رەسمي سايتتا جانە الەۋمەتتىك جەلىلەردە حابارلانادى.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات