+7 (701) 759 90 19
18 °С : نۇر-سۇلتان
19 °С : الماتى
USD 399.51 EUR 447.33
RUB 5.78 CNY 56.10
جاڭالىقتار

اتىن اتاماۋدى وتىنگەن كاسىپكەر مەدرەسە شاكىرتىنە 1 ميلليون تەڭگە بەردى

22 مامىر 08:42
:ءبولىسۋ
اتىن اتاماۋدى وتىنگەن كاسىپكەر مەدرەسە شاكىرتىنە 1 ميلليون تەڭگە بەردى

ورال. قازاقپارات - ورالدىق كاسىپكەر مەدرەسە شاكىرتى اديەت ايدىناليەۆكە وتا جاساتۋ ءۇشىن 1 ميلليون تەڭگە بەردى، دەپ حابارلايدى قازاقپارات ءتىلشىسى.

بايتەرەك اۋدانى اسان اۋىلدىق مەشىتىنىڭ باس يمامى مۇراتبەك جاحاتوۆتىڭ ايتۋىنشا، اديەت ايدىناليەۆ ورالداعى ءۇش جىلدىق مەدرەسەنىڭ ءبىرىنشى كۋرسىندا وقيدى. وسىدان التى جىل بۇرىن اديەت اۋىر دەرتكە دۋشار بولىپ، جامباس سۇيەكتەرىنىڭ قىزمەتى بۇزىلعان. سونىڭ سالدارىنان ەكى اياعىن سۇيرەتىپ باسسا دا، نامازدان قالعان ەمەس. قازىر 26 جاستاعى اديەت قاسيەت ۇلى بولاشاقتا مەدرەسەدەگى وقۋىن بىتىرگەننەن كەيىن شەتەلدە ءبىلىمىن كوتەرۋدى ارماندايدى. وعان دەيىن ناۋقاسىنان قۇلانتازا جازىلۋدى ماقسات ەتىپ وتىر.

«اديەت وتانى تۇركيادا جاساتقىسى كەلەدى. وعان 40 مىڭ ا ق ش دوللارى كەرەك. سوندىقتان قالاداعى مەشىتتەر ارقىلى مەدرەسە شاكىرتىنە اقپان ايىنان بەرى قارجى جينالۋدا. وسىنى ەستىگەن مەشىتكە كەلىپ جۇرگەن كاسىپكەر اتى-ءجونىن اتاماۋدى ءوتىنىپ، قاسيەتتى رامازان ايىندا قايىرىمدىلىق كورسەتىپ، 1 ميلليون تەڭگە بەردى. ءبىز مۇنى اديەتكە تابىس ەتتىك. ول بۇعان دەيىن 6 ميلليون تەڭگە قارجى جينالعانىن جەتكىزدى. وسىلايشا جالعاسا بەرسە، باۋىرىمىزدىڭ ەمىنە قاجەتتى قاراجات جەتىپ قالار. اللا شيپاسىن بەرسىن!»، دەدى قازاقپارات تىلشىسىنە مۇراتبەك جاحاتوۆ.

ەسكە سالا كەتەيىك، بۇدان بۇرىن ب ق و- دا كاسىپكەر اۋىلداستارىنىڭ قارىزىن كەشىرگەنىن جازعان بولاتىنبىز.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات