قىتايدان الماتىعا 1 ميلليون دوللاردىڭ مەديتسينالىق بۇيىمدارى جەتكىزىلدى

قىتايدان ون ەكى توننا جوعارى سىنىپتى قورعانىس ماسكالارى، رەسپيراتورلار، كوزىلدىرىكتەر، قايتا پايدالانۋعا بولاتىن Dupont قورعانىس كوستيۋمدەرى، ينفراقىزىل تەرمومەترلەر ساتىپ الىندى. بۇل بۇيىمدار كوروناۆيرۋسپەن كۇرەسىپ جاتقان قالاداعى مەديتسينا، پوليتسيا، اسكەري قىزمەتكەرلەر مەن شۇعىل قىزمەتتەردىڭ قاجەتتىلىكتەرى ءۇشىن جەتكىزىلدى.

«جەكە قورعانىس قۇرالدارى تاپشى بولدى. پاندەميا كەزىندە ءدال وسى تاۋارلارعا سۇرانىس جوعارىلاعان. سوندىقتان، شانحايدان الماتىعا تاۋارلاردى جەتكىزۋدى ۇيىمداستىرۋ وڭاي بولعان جوق. ءبىز ق ر سىرتقى ىستەر مينيسترلىگىنە، قىتاي ەلشىلىگىنە جانە ق ح ر-داعى قازاقستان ەلشىلىگىنە العىسىمىزدى بىلدىرەمىز»، - دەپ اتاپ ءوتتى ۇيىمداستىرۋشىلار.

جەكە قورعانىس قۇرالدارىن ساتىپ الۋ مەن جەتكىزۋدى قازاقستاندىق كاسىپكەرلەر جۇزەگە اسىردى. اتاپ ايتار بولساق، ەۆگەني فەلد، اسقار الشىنبايەۆ، ەسەنعالي بايمەنوۆ، نۇرجان بەكشەنوۆ، رايىمبەك باتالوۆ.

الماتىعا 320 مىڭ ماسكا، 6,4 مىڭ رەسپيراتور، 7 مىڭ كوزىلدىرىك، 12,2 مىڭ Dupont قورعانىس كوستيۋمدەرى، 440 مىڭ قولعاپ، 3,16 مىڭ ينفراقىزىل تەرمومەتر اكەلىندى. بۇل تاۋارلار ەۋروپالىق ساپا سەرتيفيكاتتارىنا يە.