تارازدا جاس ءوسپىرىم قىزدىڭ اسقازانىنان 1 كەلىدەن استام شاش شىقتى

None
None
تاراز. قازاقپارات- تارازدا 13 جاستاعى قىز بالانىڭ اسقازانىنان ۇزىندىعى 40 سانتيمەتر، سالماعى 1 كەلى 200 گرام تارتاتىن شاش شىقتى، - دەپ حابارلايدى قازاقپارات.

وپەراتسيانى جامبىل وبلىستىق كوپبەيىندى بالالار اۋرۋحاناسىنىڭ حيرۋرگتارى جاسادى. اق حالاتتىلاردىڭ ايتۋىنشا، وتا ءساتتى وتكەن. العاشىندا، ناۋقاستىڭ سالماعى ازايىپ، تابەتى جوعالىپ، ءىش قۇرىلىستارىندا اۋرۋ بەلگىلەرى پايدا بولا باستاعان.

دەنساۋلىعىنا قاتىستى شاعىمنان كەيىن دارىگەرلەر تەكسەرۋلەر جۇرگىزىپ، بالاعا جەدەل وپەراتسيا جاساۋ كەرەك دەپ شەشكەن. شاشتىڭ كيىز بولىپ قاتىپ قالعانىن الدىعا تارتىپ، ول بالانىڭ اسقازانىندا ءبىراز ۋاقىت بويى جينالعان دەيدى دارىگەرلەر.

ءدال وسىنداي جاعداي وبلىستا 5-6 جىل بۇرىن دا بولعان ەكەن.

«اتا-اناسىنىڭ ايتۋى بويىنشا ول كىشكەنتاي كەزىندە شاشىن تىستەپ جۇرەتىن بولعان. سودان قالىپتاسقان ادەت. ودان كەيىن وسىلاي جينالعان اسقازانعا. بالانىڭ قازىرگى جاعدايى ءبىرقالىپتى. ينتەنسيۆتىك تەراپياسىن رەانيماتسيا بولىمىندە الىپ جاتىر»، - دەيدى وبلىستىق بالالار اۋرۋحاناسىنىڭ ءبولىم مەڭگەرۋشىسى ءماۋلىم كەنجالى.

سوڭعى جاڭالىقتار