جالقاۋلىقتى 1 مينۋتتا جەڭە الاسىز

الدە ەرىنشەكتىكتى بىلمەيتىن، ءبىر مينۋتىن دا ءمۇلت جىبەرمەيتىن، كۇش- جىگەرىن بولاشاعىنا ارناعان تۇلعانى كورگىڭىز كەلە مە؟ جاپوندار تۇلعانى دايىنداۋدا، الدىمەن جالقاۋلىقتى جويۋعا كوپ كوڭىل بولەدى ەكەن.

جاپوننىڭ كايدزەن ءادىسى ادامدى جالقاۋلىقپەن كۇرەسۋگە ۇيرەتەدى. بۇل ءادىستى 1 مينۋت قاعيداسى دەپ تە اتايدى. كايدزەن ءادىسىنىڭ قۇرىلىمى بويىنشا ادام قانداي دا بولسا ءبىر ارەكەتتى 1 مينۋت جاساپ شىعۋ كەرەك. كۇن سايىن ءبىر ارەكەتتى بەلگىلى ءبىر ۋاقىتتا 1 مينۋت بويى جاساپ، ۋاقىتىن بوس وتكىزبەۋگە مۇمكىندىك جاسايدى. 1 مينۋت ءبىر ارەكەتتى جاساۋ ءۇشىن از بولىپ كورىنۋى مۇمكىن، ءبىراق ءبارى وسى ءبىرىنشى مينۋتتان-اق باستالادى. جالقاۋلىق، ەرىنشەكتىك دەگەن قاسيەتتەر ادامدى اينالىپ وتەدى.

1 مينۋت ارالىعىندا سەكىرگىشپەن سەكىرىپ نە دەنەنى شىنىقتىرىپ، كوزگە جاتتىعۋ جاساپ نە شەتەل ادەبيەتىن وقىساڭىز، جولىڭىزدى بايلايتىن جالقاۋلىقتى جەڭە الاسىز. كىشكەنتاي ارەكەت جاساي وتىرىپ، ۇلكەن جەتىستىكتەرگە قول جەتكىزەسىز. جالقاۋلىقتى جەڭە الاتىن كۇشىڭىزگە سەنىپ، ار الدىنداعى ۇياتتان ارىلاسىز. «مەن بۇگىن بەكەر جاتتىم عوي، تۇك بىتىرمەدىم» دەگەن ويلاردان قۇتىلاسىز. بويىڭىزدان جاقسى ناتيجە كورگەن سوڭ، ۋاقىت وتە كەلە ءسىزدىڭ ساناڭىز دا، اعزاڭىزدا سول ارەكەتكە بەيىمدەلىپ، ۇزاق جاساۋعا تىرىساسىز. 1 مينۋتتىق ارەكەتتى 5 مينۋت جاساپ، داعدىلانا باستايسىز. سوڭىندا جارتى ساعات بويى سول ارەكەتتى جاساپ وتىرعانىڭىزدى دا بايقاماي قالۋىڭىز مۇمكىن. مىنە، ناتيجە! باستىسى - نيەت. ەرىنشەكتىكتىڭ ەرىك- جىگەرىڭىزدى بۇعاۋلاۋىنا جول بەرمەڭىز!

كايزدەن ءادىسى جاپونيادا قالىپتاسقان. ول «كاي» - «وزگەرىس» جانە «دزەن» - «دانالىق» دەگەن ماعىنانى بىلدىرەدى. دەمەك، پاراساتتىلىققا وزگەرۋ دەگەن ءماندى ۇستەيدى: ادام ءوز بويىنان وزگەرىس بايقايدى. بۇل قاعيدانى ۇسىنعان - ماسااكي يماي. ول - ءوزىن- ءوزى جەتىلدىرۋ كونسەپتسياسىنىڭ نەگىزىن قالاعان تۇلعا.

ول جۇمىستا دا، جەكە ومىردە دە كايدزەن تەورياسىمەن جەتىستىككە جەتۋگە بولادى دەيدى. باتىستىقتار بۇل ءادىستى قولداماۋى مۇمكىن، سەبەبى، ولار ۇلكەن جەتىستىككە جەتۋ ءۇشىن كۇنى-ءتۇنى ىزدەنىپ، كوپ كۇش جۇمساۋى كەرەك. بۇل ادامدى قاجىتىپ جىبەرۋى ىقتيمال، ادام ءوز ارەكەتىنەن، جۇمىسىنان ءلاززات الۋى ءتيىس، راحات سىيلامايتىن جۇمىس ادامدى شارشاتارى انىق دەيدى. ال بۇل ءادىس ءومىردىڭ قاي كەزەڭىندە، قاي سالاسىندا بولماسىن ادامعا كۇش سىيلايدى دەپ ويلايدى.