قازاقستاننىڭ 19 ميلليونىنشى تۇرعىنىنا ءبىر ميلليون تەڭگە بەرىلدى

جانيانىڭ وتباسىن قۇتتىقتاۋعا الماتى وبلىسى اكىمىنىڭ ورىنباسارى ارسلان داندىبايەۆ پەن ىلە اۋدانىنىڭ اكىمى باعدات قاراسايەۆ كەلدى. ولار نارەستەنىڭ وتباسىنا زور دەنساۋلىق پەن باقىتتى عۇمىر تىلەدى. سونىمەن قاتار الماتى وبلىسىنىڭ اكىمى اماندىق باتالوۆتىڭ اتىنان العىس حات بەرىلىپ، 1000000 تەڭگە كولەمىندە سەرتيفيكات تابىستالدى. ونىمەن قوسا، وتباسىنىڭ باسقا بالالارىنا دا سىيلىقتار بەرىلدى.

ۇلتتىق ستاتيستيكاسى بيۋروسىنىڭ حالىقتىڭ اعىمداعى ەسەبى دەرەكتەرىنە سايكەس 19 ميلليونىنشى ءجانيا ازامات قىزى 2021 -جىلعى 20-ماۋسىمدا دۇنيەگە كەلدى. بۇعان دەيىن جاڭا تۋعان نارەستەنىڭ اتا- اناسى مەن قازاقستاندىقتاردى وسىنداي قۋانىشپەن ق ر پرەزيدەنتى قاسىم- جومارت توقايەۆ قۇتتىقتاعان ەدى.