ىشكى ىستەر ءمينيسترى 19 جاستاعى اياجان ەدىلوۆانىڭ ءولىمى جونىندە پىكىر ءبىلدىردى

«بىرىنشىدەن، بۇل جەردە تەرگەۋدىڭ ەگجەي-تەگجەيىن ايتا المايمىن، سەبەبى ءىس الماتى قالاسىنىڭ ارنايى پروكۋرورلارىنىڭ وندىرىسىندە جاتىر. ءبىز كۇدىكتىنىڭ ۇستالعانى جانە ونىڭ قىلمىستى جاساعانى تۋرالى العاشقى اقپاراتتى بەردىك. كەز كەلگەن وسىنداي قىلمىستار ءۇشىن ايىپتالۋشىنىڭ پسيحيكالىق جاعدايىنا كۇمان تۋىنداعاندا ءاردايىم سوت-پسيحياتريالىق ساراپتاما جۇرگىزىلەدى. مەنىڭ ويىمشا، بۇل ءىس بويىنشا دا سونداي ساراپتاما تاعايىندالادى. ناتيجەلەردى الماتى قالاسىنىڭ پروكۋراتۋرا ورگاندارىنان بىلە الاسىزدار»، - دەدى ە. تۇرعىمبايەۆ ورتالىق كوممۋنيكاتسيالار قىزمەتىندە.

ەسكە سالساق، 19- ناۋرىزدا الماتىدا 19 جاستاعى بويجەتكەن جۇمىستان شىعىپ ۇيىنە ورالماعان.

كەيىن اياجان ەدىلوۆا ءولى كۇيىندە تابىلدى . الماتى قالالىق پوليتسيا دەپارتامەنتى تاراتقان مالىمەتكە سايكەس، 20- ناۋرىز كۇنى قىزدىڭ اپكەسى پوليتسياعا جۇگىنىپ، ءسىڭلىسىنىڭ جوعالىپ كەتكەنىن حابارلاعان.

بويجەتكەندى ىزدەۋ ءۇشىن ارنايى جەدەل تەرگەۋ توبى قۇرىلدى. ىزدەۋ جۇمىسى كەزىندە قىزدىڭ سول كۇنى الەۋمەتتىك جەلىدە تانىسقان جىگىتپەن كەزدەسۋدى جوسپارلاعانى انىقتالدى.

كەيىن بەلگىلى بولعانداي، بويجەتكەن سول بەيتانىس جىگىتتىڭ قىلمىستىق ارەكەتىنەن قازا تاپقان.

كۇدىكتى - 1993-جىلى تۋعان تۇركىستان وبلىسىنىڭ تۇرعىنى.