عالىمدار 19 - عاسىرداعى فوتوسۋرەتتەردىڭ كومەگىمەن ەجەلگى كۇلتوبە قالاشىعىن قالپىنا كەلتىرۋدە

None
None
تۇركىستان وبلىسى. قازاقپارات - «قازاقپارات» حالىقارالىق اقپارات اگەنتتىگى ەجەلگى كۇلتوبە قالاشىعى ارحيۆ فوتوسۋرەتتەرى ارقىلى كۇلتوبە قالاشىعى قالاي قالپىن كەلتىرىلىپ جاتقانىن حابارلايدى.

«تۇركىستان البومى - فوتوسۋرەتتەر مەن ارحيتەكتۋرالىق جوسپارلاردان، اكۆارەلدى سۋرەتتەر مەن كارتالاردان تۇراتىن ايماق تۋرالى كورنەكى ماتەريالداردىڭ بىرەگەي جيىنتىعى. XIX عاسىردىڭ ەكىنشى جارتىسىندا جاسالعان وسى البومنىڭ كومەگىمەن ەجەلگى تۇركىستان قالاسىنىڭ ساۋلەتتىك قۇرىلىمىن كوزبەن كورۋگە بولادى. مۇندا قوجا احمەت ياسساۋي كەسەنەسىنىڭ ماڭىندا ورنالاسقان قۇرىلىمدار فوتوسۋرەتكە تۇسكەن. ءدال ەجەلگى كۇلتوبە قالاشىعىنىڭ سول تۇسىندا قازبا جۇمىستارىن جۇرگىزۋدەمىز. ايتپاقشى سيفرلاندىرىلعان تۇركىستان البومى اسا ساپالى كۇيدە ا ق ش كونگرەسى كىتاپحاناسىنىڭ رەسمي سايتىندا جاريالانعان»، - دەيدى جوبانىڭ عىلىمي جەتەكشىسى، PhD دوكتورى اندرەي حازبۋلاتوۆ.

جوبانىڭ عىلىمي جەتەكشىسى، PhD دوكتورى اندرەي حازبۋلاتوۆ پەن ارحەولوگ رۋسلان شەربايەۆ كۇلتوبە قالاشىعىنىڭ 1 نىسانىندا ارحەولوگيالىق زەرتتەۋ بارىسىندا كۇلتوبە قالاشىعىنىڭ ۋچاسكەلەرىنىڭ بىرىنەن تۇركىستان البومىنىڭ فوتوسۋرەتتەرىنە ۇقساس قۇرىلىمداردىڭ قالدىقتارى تابىلدى. ماسەلەن XVIII - XIX عاسىردىڭ باسىنداعى اۋقاتتى قالا تۇرعىنىنىڭ ءۇيى - 1 نىسانداعى ءارحيۆتى فوتوسۋرەتتەرگە ۇقسايدى. ال Ⅱ نىسانداعى قوعامدىق قۇرىلىم XVIII- XIX عاسىرلارداعى ەجەلگى ءمىناجاتتىق قۇرىلىس بولۋى مۇمكىن.

1871-1872 -جىلعى تۇركىستان البومىنىڭ فوتوسۋرەتى. الىنعان جەرى: ا ق ش كونگرەسىنىڭ كىتاپحاناسى

جەكەلەگەن نىسانداردىڭ ەگجەي- تەگجەيلى ءۇش ولشەمدى ۇلگىلەرىن، ءتىپتى جەرگىلىكتى جەرلەردىڭ تولىققاندى ۋچاسكەسىن قۇرۋعا مۇمكىندىك بەرەتىن فوتوگراممەتريالىق امالدىڭ كومەگىمەن كۇلتوبە قالاشىعىنىڭ كەيبىر ارحەولوگيالىق نىسانىن ۇقساتا جاسادىق. ارحيۆتى فوتوسۋرەتتەردەن شىنىندا دا زەرتتەلگەن نىسانداردىڭ قانداي بولعانىن كورىپ وتىرسىزدار. ال باسقا فوتوسۋرەتتەردە (ءبىزدىڭ قولداعى) نىسانداردىڭ قازىرگى ءتۇرى، ياعني ورتوفوجوسپارلار تانىستىرىلعان»، - دەپ ءتۇسىندىردى ارحەولوگ رۋسلان شەربايەۆ.

نىساننىڭ 1 ورتوفوتوجوسپارى

نىساننىڭ ورتوفوتوجوسپارى

بۇل امال قازىر وتە ءتيىمدى ءارى ول الەمدىك ارحەولوگيا سالاسىندا كەڭ اۋقىمدا قولدانىسقا ەنگىزىلۋدە. سونىمەن قاتار بۇل امال نىسانداردى قايتا جوندەۋگە مۇمكىندىك بەرىپ قانا قويماي، ىدىستار مەن وزگە دە بولىكتەردى «ءبىر كەسەككە» بىرىكتىرۋگە جول اشادى. وسىنداي كومپيۋتەرلىك «مانيپۋلياتسيالاردىڭ» ناتيجەسىندە قۇرىلىمنىڭ تولىققاندى مودەلى جاسالادى. ۇشولشەمدى كەسكىنىن قۇرۋ ءۇشىن ونى ەلەكتروندى سيفرلىق فورماتتا يمپورتتاۋعا دا بولادى.

«ءبىزدىڭ ارحەولوگتار ازىرلەگەن امال - قازىرگى امال- ادىستەردىڭ سينتەزىنەن، ارحەولوگيالىق ىزدەۋدەن، سايكەستەندىرىلگەن امالداردى پايدالانۋدان، سونىمەن قاتار زاماننىڭ ۇزدىك كومپيۋتەرلىك تەحنولوگيالارىن پايدالانۋدان، ءۇش ولشەمدى پرينتەردەن تۇرادى. ءبىز اشىق اسپان استىنداعى «كۇلتوبە قالاشىعى» ارحەولوگيالىق پاركى اياسىندا ءتۇپنۇسقا لاندشافتتى قۇرۋ ماقساتىنا جاقىنداپ قالدىق. ءبىز تاڭداپ العان ادىستەمە ارحەولوگيا جانە مادەني مۇرالار نىسانىن رەستاۆراتسيالاۋ سالاسىنداعى الەمدىك جوعارى ستاندارتتارعا ساي كەلەدى»، - دەيدى جوبانىڭ باس عىلىمي قىزمەتكەرى جانەركە شايعوزوۆا.

جوبانىڭ باس عىلىمي قىزمەتكەرى جانەركە شايعوزوۆا

جوبا Eurasian Resources Group (ERG) قارجىلىق قولداۋىمەن جۇزەگە اسىرىلۋدا.


1 جانە نىسانداعى ارحەولوگيالىق جۇمىس پروتسەسى

اۆتور: ايان بەكەن ۇلى

سوڭعى جاڭالىقتار