12:32, 10 - ءساۋىر 2021 | GMT +6
د د ۇ: الەمنىڭ 194 ەلىندە ۆاكتسينا ەگۋ جۇمىسى جۇرگىزىلىپ جاتىر
جەنەۆا. تاسس- قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادانوم گەبرەيەسۋس جەنيەۆادا وتكەن بريفينگىدە 220 مەملەكەتتىڭ 194 ەلىندە كوروناۆيرۋسقا قارسى ۆاكتسيناتسيا باستالعانىن ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«قازىرگى ۋاقىتتا 220 ەلدىڭ 194 ءى كوروناۆيرۋسقا قارسى ۆاكتسيناتسيانى باستادى، 26 ەل ءالى باستاعان جوق»، - دەپ مالىمدەدى ول.
د د ۇ باسشىسىنىڭ ايتۋىنشا 26 ەلدىڭ جەتەۋى ەكپە ناۋقانىن باستاۋى مۇمكىن. تاعى بەس ەل جاقىن ارادا ۆاكتسينا الۋى ءتيىس. قالعان 14 ەل يممۋنداۋ جۇمىستارىن ءتۇرلى سەبەپتەر بويىنشا باستاماعان.
گەبرەيەسۋس اتاپ وتكەندەي، كەيبىرى دايىن بولماسا، وزگەلەرى الداعى اپتالار مەن ايلاردا ۆاكتسينالاۋدى باستاۋدى جوسپارلاپ وتىر.