13:57, 09 - مامىر 2021 | GMT +6
جىل باسىنان بەرى «قىتاي-ەۋروپا» مارشرۋتى بويىنشا «الاشانكوۋ» بەكەتىنەن 1900 پويىز وتكەن
بەيجىڭ. قازاقپارات - 2021-جىلدىڭ العاشقى ءتورت ايىندا 1,9 مىڭنان استام پويىز «قىتاي-ەۋروپا» جۇك تاسىمالداۋ تەمىرجول مارشرۋتى اياسىندا «الاشانكوۋ» بەكەتىنەن (ق ح ر ش ۇ ا ا) وتكەن، دەپ حابارلايدى قازاقپارات ءتىلشىسى.
ق ح ر كەدەن ستاتيستيكاسىنىڭ دەرەكتەرى بويىنشا، وسى جىلدىڭ باسىنان 1918 جۇك پويىزى «قىتاي-ەۋروپا» جۇك تاسىمالداۋ تەمىرجول مارشرۋتى اياسىندا «الاشانكوۋ» ب ءو ب- ىنەن ءوتىپ، (وتكەن جىلدىڭ وسى كەزەڭىنە قاراعاندا %56,7 كوپ)، 10 ميلليارد دوللار سوماعا تاۋار تاسىمالداعان (جىلدىڭ ەسەپتەۋ بويىنشا %80,5 دىق وسىممەن).
ساۋىردە «الاشانكوۋ» ءبوب «قىتاي- ەۋروپا» پويىز قوزعالىسى ىسكە قوسىلعاننان بەرى وسى شەكارا ستانساسى ارقىلى ءبىرىنشى رەت ايىنا 500 پويىزدىق كورسەتكىشتەن استى. قازىرگى كەزدە «الاشانكوۋ» ب ءو ب ارقىلى 13 ەلدى قامتيتىن «قىتاي-ەۋروپا» جۇك تاسىمالداۋشى تەمىرجولىنىڭ 22 مارشرۋتى وتەدى.