جىل سايىن ورتا ەسەپپەن 18 مىڭنان استام توتەنشە جاعداي تىركەلەدى - مينيسترلىك

بۇل تۋرالى قازاقپارات توتەنشە جاعدايلار مينيسترلىگىنە سىلتەمە جاساپ حابارلايدى.

مينيسترلىكتىڭ قىزمەتىندە توتەنشە جاعدايلاردىڭ الدىن الۋ جانە ولاردى جويۋ جونىندەگى جۇمىس ەرەكشە ماڭىزدى بولىپ تابىلادى. قۇرامىنا ءورت سوندىرۋشىلەر، قۇتقارۋشىلار، كينولوگتار، دارىگەرلەر، پسيحولوگتار، ۇشقىشتار كىرەتىن قىزمەتكەرلەر توتەنشە جاعدايلاردى جويادى، ورتتەردى سوندىرەدى، ادامدار مەن مۇلىكتى قۇتقارادى. ت ج قىزمەتتەرىنىڭ جۇمىس ىستەگەن جىلدارى (1995-2020 -جىلدار ارالىعىندا) توتەنشە جاعدايلار مەن ءورتتى ءسوندىرۋ كەزىندە 1 ميلليون 353 مىڭنان استام ادام قاۋىپسىز جەرگە شىعارىلدى.

ولاردىڭ قىزمەتى، كاسىبيلىگى مەن جەدەلدىگىنىڭ ارقاسىندا 374 مىڭنان استام ادام قۇتقارىلدى، 334 مىڭنان استام ت ج ايماعىنان ەۆاكۋاتسيالاندى، 55 مىڭنان استام زارداپ شەككەندەرگە مەديتسينالىق كومەك كورسەتىلدى.

جىل سايىن ورتا ەسەپپەن 18 مىڭنان استام تابيعي جانە تەحنوگەندىك سيپاتتاعى توتەنشە جاعداي تىركەلەدى، ونىڭ ىشىندە 15 مىڭ ءورت بولادى. ت ج ايماعىنان قۇتقارۋشىلار 8 مىڭ ازاماتتى قۇتقارادى، 20 مىڭنان استام ادامدى ەۆاكۋاتسيالايدى، 4,5 مىڭ زارداپ شەككەندەرگە مەديتسينالىق كومەك كورسەتىلەدى.

2020 -جىلدىڭ باسىنان باستاپ قۇتقارۋ بولىمشەلەرى ورتتەرگە جانە اۆاريالىق- قۇتقارۋ جۇمىستارىنا 53 مىڭ شىعۋدى جۇزەگە اسىردى، 11 مىڭ ادام قۇتقارىلدى، ت ج ايماعىنان 14 مىڭعا جۋىق ادام ەۆاكۋاتسيالاندى، 3 مىڭ زارداپ شەگۋشىگە العاشقى مەديتسينالىق كومەك كورسەتىلدى.

ەسكە سالساق، بۇگىن قازاقستاندىقتار قۇتراۋشىلار كۇنىن اتاپ وتۋدە.

اۆتور: اياۋلىم التىنبەك