ەلوردادا مەديتسينانىڭ ساپاسى مەن كولەمىنە قاتىستى 18 مىڭعا جۋىق كەمشىلىك بار
بۇل جونىندە «الەۋمەتتىك مەديتسينالىق ساقتاندىرۋ قورى» ك ە ا ق نۇر- سۇلتان فيليالىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات.
الەۋمەتتىك مەديتسينالىق ساقتاندىرۋ قورى نۇر- سۇلتان قالاسى بويىنشا فيليالانىڭ ساراپشىلارى تەگىن مەديتسينالىق كومەكتىڭ كەپىلدىك بەرىلگەن كولەمى (ت م ك ك ك) شەڭبەرىندە جانە م ءا م س پاكەتى بويىنشا جەتكىزۋشىلەر كورسەتكەن قىزمەتتەردىڭ ساپاسى مەن كولەمىنە مونيتورينگ جۇرگىزۋدى جالعاستىرۋدا. وسى جىلدىڭ 7-ايىندا تۇرعىندارعا مەديتسينالىق كومەك كورسەتۋ كەزىندە 17887 كەمشىلىك انىقتالىپ، مەديتسينالىق ۇيىمدارعا 123 ميلليون تەڭگەدەن استام ايىپپۇل سالىندى.
«تۇرعىندارعا ت م ك ك ك جانە م ءا م س پاكەتتەرى بويىنشا ۇسىنىلعان قىزمەتتەردىڭ ساپاسى مەن كولەمىنە مونيتورينگ جۇرگىزىلگەننەن كەيىن عانا، قور جەتكىزۋشىلەرىنە كورسەتكەن مەديتسينالىق قىزمەتتەرى ءۇشىن اقى تولەنەتىنىن اتاپ وتكەن ءجون. مەديتسينالىق كومەك كورسەتۋ ستاندارتتارى مەن ەرەجەلەرىن، سونداي- اق كلينيكالىق حاتتامالاردىڭ ۇسىنىمدارىن ساقتاي وتىرىپ، ءىس جۇزىندە كورسەتىلگەن جانە قۇجاتپەن راستالعان قىزمەتتەرگە اقى تولەنەدى. انىقتالعان كەمشىلىكتەردىڭ كوپشىلىگى جان باسىنا شاققانداعى نورماتيۆكە كىرمەيتىن، ءاربىر قىزمەتكە جەكە تولەنەتىن كونسۋلتاتسيالىق- دياگنوستيكالىق قىزمەتتەرگە بايلانىستى. مەديتسينالىق قىزمەتتەردىڭ ساپاسىن مونيتورينگتەۋ ءبولىمىنىڭ ساراپشىلارى جالپى قۇنى 12 ميلليون تەڭگەدەن اساتىن وسىنداي 9682 كەمشىلىك انىقتادى. سونداي- اق، امبۋلاتوريالىق- ەمحانالىق كومەك كورسەتۋ كەزىندە جىبەرىلگەن 1147 كەمشىلىك، تاۋلىك بويى جۇمىس ىستەيتىن ستاتسيونارلاردا مەديتسينالىق كومەك كورسەتۋ كەزىندە جىبەرىلگەن 6208 فاكت تىركەلدى. بيىلعى 7 ايدا قوردىڭ ەلوردالىق فيليالىنىڭ ساراپشىلارى ناقتى كورسەتىلمەگەن (كەشەندى جان باسىنا شاققانداعى نورماتيۆتەن تىس كونسۋلتاتسيالىق- دياگنوستيكالىق قىزمەتتەر) قىزمەتتەردىڭ 850 دەرەگىن انىقتادى، ولاردى اقپاراتتىق جۇيەلەرگە پاتسيەنتتەر العان دەپ ەنگىزگەن. وسىنداي جاعدايلار بويىنشا انىقتالعان بۇرمالاۋشىلىقتار ءۇشىن مەديتسينالىق ۇيىمدارعا 1,7 ميلليون تەڭگە سوماسىندا ايىپپۇل سالىندى»، - دەپ اتاپ ءوتتى «الەۋمەتتىك مەديتسينالىق ساقتاندىرۋ قورى» ك ە ا ق نۇر- سۇلتان قالاسى بويىنشا فيليالى ديرەكتورىنىڭ ورىنباسارى ايناگۇل داۋلەتشينا.
«ءتۇرلى مەملەكەتتىك دەرەكقورلارداعى دەرەكتەردى بىرىكتىرۋ جانە IT قۇرالدارىن قولدانۋ وسى دەرەكتەردى وڭدەۋ مونيتورينگىنىڭ ساپاسىن ايتارلىقتاي ارتتىرادى. بۇل ادامي فاكتوردى ازايتۋعا مۇمكىندىك بەرەدى. ءقازىر قور ءارتۇرلى اقپارات جۇيەلەرى مەن رەگيسترلەردىڭ دەرەكتەرىن ءبىر الاڭدا ينتەگراتسيالاۋ ارقىلى اقپارات جۇيەلەرىندە مەديتسينالىق قىزمەتتەردىڭ ساپاسى مەن كولەمىن تولاسسىز مونيتورينگتەۋ بويىنشا جۇمىس جۇرگىزۋدە. بۇل مونيتورينگ پروتسەسىن بارىنشا اۆتوماتتاندىرۋعا مۇمكىندىك بەرەدى»، - دەپ ءتۇسىندىردى ءا م س ق نۇر- سۇلتان قالاسى بويىنشا فيليالىنىڭ مەديتسينالىق كومەك كورسەتۋ ساپاسىن مونيتورينگتەۋ ءبولىمىنىڭ جەتەكشىسى ساندۋعاش بولىسبەكوۆا.
تۇرعىندار تاراپىنان قوعامدىق باقىلاۋ، ءبىر جاعىنان الەۋمەتتىك مەديتسينالىق ساقتاندىرۋ قورىنا بۇرمالاۋشىلىقتاردى انىقتاۋعا كومەكتەسەدى، ەكىنشى جاعىنان مەديتسينالىق ۇيىمداردى تارتىپكە كەلتىرەدى. سوندىقتان ازاماتتاردى ءموبيلدى قوسىمشالاردا ءوز دەرەكتەرىن تەكسەرۋگە جانە سايكەسسىزدىكتەر انىقتالعان جاعدايدا قوردىڭ ەلوردالىق فيليالىنا حابارلاۋعا شاقىرامىز. سونداي- اق، 1406 تەلەفونىنا نەمەسە Qoldau 24/7 ءموبيلدى قوسىمشاسى ارقىلى حابارلاسۋعا بولادى.