قازاقستاندىق تەلەارنانىڭ 185 قىزمەتكەرى كوروناۆيرۋسقا تەكسەرىلدى

«قازمەديا ورتالىعىنداعى «ەۋرازيا» تەلەارناسىنىڭ ەكى قىزمەتكەرىنەن الدىن الۋ ماقساتىنداعى تەكسەرىس بارىسىندا COVID-19 ۆيرۋسى انىقتالدى. ەكى جاعدايدا سىرقات سيمپتومسىز بولعان. پاتسيەنتتەر ستاتسيونارعا جاتقىزىلدى. كوروناۆيرۋستىڭ بار-جوعىن انىقتاۋ ءۇشىن تەلەارنانىڭ 185 قىزمەتكەرى زەرتحانالىق تەكسەرۋدەن ءوتتى. ەپيدەمياعا قارسى بارلىق جيىنتىق ءىس-شارالار جۇرگىزىلدى، جاقىن جانە ىقتيمال بايلانىستار انىقتالىپ، ولارعا ءۇي كارانتينىنە بەلگىلەنگەن. «قازمەديا ورتالىعى» عيماراتىندا سانيتارلىق-ەپيدەمياعا قارسى ءتارتىپ پەن دەپارتامەنت تاراپىنان باقىلاۋ كۇشەيتىلدى»، دەلىنگەن حابارلامادا.

ەسكە سالا كەتسەك، كەشە «قازمەديا» ورتالىعىنىڭ جۇمىسى قاتاڭ رەجيمگە كوشىرىلدى. اقپارات جانە قوعامدىق دامۋ ءمينيسترى ايدا بالايەۆا قازاقستاندىق تەلەارنانىڭ ەكى قىزمەتكەرى ۆيرۋس جۇقتىرعانىن راستادى.