الماتىدا ىبىراي التىنساريننىڭ 180 جىلدىعىنا ارنالعان كەش ءوتتى - فوتو

ىبىراي التىنساريننىڭ 180 جىلدىعىنا ارنالعان شارانى الماتىداعى №57-ورتا مەكتەبى ۇيىمداستىردى. كەش ونلاين رەجيمدە ءوتتى. وعان اتالعان ءبىلىم مەكەمەسىنىڭ 5 سىنىپ وقۋشىلارى قاتىستى. «شارانىڭ ماقساتى - وقۋشىلاردىڭ اعارتۋشى، ۇستاز ىبىراي التىنساريننىڭ شىعارماشىلىعىنا دەگەن قىزىعۋشىلىعىن وياتۋ، ۇلتتىق ماقتانىش سەزىمىن، ۇلتتىق بىرەگەيلىكتى قالىپتاستىرۋ»، - دەيدى ۇيىمداستىرۋشىلار.

ونلاين كەش بارىسىندا قاتىسۋشىلار ىبىراي التىنساريننىڭ شىعارماشىلىعىمەن تانىسىپ، سۇراقتارعا جاۋاپ بەردى. سونىمەن قاتار ونىڭ ەڭبەكتەرىن تالدادى.

ىبىراي التىنسارين- قازاقتىڭ اسا كورنەكتى اعارتۋشىسى، اقىن، جازۋشى، ەتنوگراف، فولكلورشى جانە قوعام قايراتكەرى. ونىڭ شىن اتى - يبراھيم. ول 1841 -جىلى 20-قازاندا قازىرگى قوستاناي وبلىسىندا دۇنيەگە كەلگەن. ى. التىنسارين ورىس، اراب جانە تاتار تىلدەرىن ەركىن مەڭگەرگەن جانە حالىقتى اعارتۋدى ارمانداعان. ول كەزدە قازاق بالالارىنا مەكتەپ اشۋ وتە قيىن بولاتىن. دەگەنمەن، 1864 -جىلدىڭ قاڭتارىندا ىبىرايدىڭ تىكەلەي قاتىسۋىمەن العاشقى قازاق مەكتەبى اشىلدى.

اۆتور: الما مۇقانوۆا