جامبىلدا ءبىر كۇندە 18 ادامعا ەسكەرتۋ بەرىلىپ، 10 ادام قاماۋعا الىندى
جالپى، وبلىس بويىنشا ت ج رەجيمى ەنگىزىلگەننەن بەرى 372 قۇقىق بۇزۋشىلىق ورىن العان. ونىڭ ىشىندە 370 ءى ق ر ا ق ب ت ك- ءنىڭ 476-بابى جانە ەكەۋى ق ر ا ق ب ت ك- ءنىڭ 478-بابى بويىنشا انىقتالعان.
بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.
«قۇقىق بۇزۋشىلاردىڭ 26 سى ەسكەرتۋ الدى، 148 ىنە ايىپپۇل سالىندى، 61 ءى قاماۋعا الىندى، قالعان ىستەر سوتتارعا قاراۋعا جىبەرىلدى. قالالىق شتابتىڭ شەشىمىنە سايكەس، 17- ساۋىردەن باستاپ تاراز قالاسىندا قالالىق كولىك قوزعالىسى تولىقتاي توقتاتىلدى. جەكە اۆتوكولىكپەن تەك 08:00 دەن 10:00 گە دەيىن جانە 17:00 دەن 19:00 گە دەيىن جۇرۋگە رۇقسات ەتىلەدى. قالعان ۋاقىتتا اۆتوكولىكتىڭ قوزعالىسىنا انىقتاما ارقىلى دا تىيىم سالىنادى. اكىمشىلىك جاۋاپكەرشىلىككە كارانتين رەجيمىن ساقتامايتىن ادامدار تارتىلاتىن بولادى»، - دەلىنگەن ۆەدومستۆو حابارلاماسىندا.
جامبىل وبلىسىنىڭ پوليتسيا دەپارتامەنتى ايماق تۇرعىندارىن ءار ازاماتتىڭ جانە جالپى قوعامنىڭ دەنساۋلىعى ءۇشىن قابىلداناتىن، ەنگىزىلگەن كارانتيندىك رەجيم تالاپتارىنا جاۋاپكەرشىلىكپەن قاراۋدى سۇرايدى.