USD 436.29 EUR 492.83
RUB 5.92 CNY 68.48
جاڭالىقتار

ا ق ش- تا 17 ادامدى ولتىرگەن نيكولاس كرۋز كىناسىن تولىق مويىندادى

22 قازان 16:52
:ءبولىسۋ
ا ق ش- تا 17 ادامدى ولتىرگەن نيكولاس كرۋز كىناسىن تولىق مويىندادى

نۇر- سۇلتان. قازاقپارات - وسىدان 3 جىل بۇرىن فلوريدا مەكتەپتەرىنىڭ بىرىندە جاعالاي وق اتىپ، 17 ادامنىڭ ءومىرىن قيعان قاندىقول نيكولاس كرۋز كىناسىن تولىق مويىندادى، دەپ حابارلايدى «حابار 24».

ول مەرت بولعان وقۋشىلار مەن ۇستازداردىڭ جاقىندارىنان كەشىرىم سۇراپ، جاساعان ارەكەتىنە وكىنەتىنىن ايتتى. ءبىراق ايىپتاۋشىلار كرۋز ءوز كىناسىن مويىنداۋ ارقىلى جاناشىرلىق تۋعىزىپ، ءولىم جازاسىنان قۇتىلۋدى كوزدەپ وتىر دەيدى. ويتكەنى قاڭتاردا وتەتىن سوتتا القا ونى ءولىم جازاسىنا كەسۋ نەمەسە ءومىر بويى باس بوستاندىعىنان ايىرۋ تۋرالى شەشىم قابىلداۋعا ءتيىس.

ەستەرىڭىزگە سالايىق، 2018- جىلى پاركلەند قالاسىندا بولعان بۇل وقيعا كەزىندە وققا ۇشقانداردىڭ باسىم بولىگى - 14 جاستاعى وقۋشىلار.

نيكولاس كرۋز، ايىپتالۋشى:

- مەن جاساعان قىلمىسىم ءۇشىن قاتتى وكىنەمىن جانە ءومىرىمنىڭ قالعان بولىگىن سول وكىنىشپەن وتكىزۋگە تۋرا كەلەدى. بولعان وقيعانى ەسىمە تۇسىرسەم، كەيدە ءتىپتى ۇيىقتاي دا المايمىن. ماعان سەنبەيتىندەرىڭىزدى بىلەمىن، ءبىراق اقيقاتى سول. مەن ەسىرتكىنى جەك كورەمىن، ويتكەنى ول ءارتۇرلى ارەكەتتەرگە يتەرمەلەيدى. كۋاگەرلەردەن قۇرالاتىن سوت القاسىنىڭ شەشىمى ءادىل بولادى دەپ ۇمىتتەنەمىن.

دەبرا حيكسون، قايتىس بولعان ازاماتتىڭ جۇبايى:

- ونى اياۋعا بولمايدى. سەبەبى ول باسقالاردى اياعان جوق. بىرەۋىنە 12، ەكىنشىسىنە 8 رەت، تاعى بىرەۋىنە 3 رەت وق اتقان. دەمەك ولارعا ەشقانداي اياۋشىلىق كورسەتكەن جوق. ول 17 ادامنىڭ ءومىرىن قيدى. جانە ولاردىڭ وتباسىنا وشپەس قايعى- قاسىرەت اكەلدى. قازىر ول جاي عانا ۇپاي جيناپ وتىر.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات