كوروناۆيرۋس: قازاقستان قوناقۇيلەرىندە 17 مىڭ رەزەرۆتىك توسەك- ورىن دايىن تۇر

«قازىرگى ۋاقىتتا 46745 توسەك- ورىن دايىن تۇر. رەزەرۆتىك 17 مىڭ ورىندى قوناقۇيلەردە ازىرلەپ وتىرمىز. بۇل وتە از، نۇر- سۇلتاندى الساق، بۇل قالادا Ramada Plaza-نى كەڭەيتەمىز. وندا 200 توسەك- ورىن بولعان ەدى، جاپپاي قابىلداۋ بولعان جاعدايدا قوسىمشا 100 توسەك قوسامىز، وعان نەگىزىنەن ورتاشا ناۋقاستار تۇسەدى. ءقازىر باسقا اۋرۋلارمەن اۋىراتىن ناۋقاستارعا شۇعىل جانە جوسپارلى كومەك كورسەتەتىن اۋرۋحانالارعا تيىسپەۋ ءۇشىن ورتاشا- اۋىر ناۋقاستارعا وسىنداي مەديتسينالىق ەمەس نىسانداردى دايىنداپ جاتىرمىز»، - دەپ ءتۇسىندىردى اجار عينيات ورتالىق كوممۋنيكاتسيالار قىزمەتىندە وتكەن بريفينگتە.

ونىڭ ايتۋىنشا، الماتىدا كوۆيدتىك گوسپيتالدار «الماتى ارەنادا» ورنالاسقان.

«الماتى قوناقۇيلەرىنەن گوسپيتال اشۋدىڭ قاجەتتىلىگى جوق. «الماتى ارەنا» كەشەنى ءوزىنىڭ تيىمدىلىگىن كورسەتتى. كەم دەگەندە ناۋقاستار باقىلاۋدا بولدى جانە قارقىندى پالاتا دەپ اتالاتىن سەگىز رەانيماتسيالىق توسەك بار. مەديتسينالىق ەمەس ۇيىمدار حالىقتىڭ تىعىزدىعى وتە جوعارى جەرلەردە اشىلادى. ازىرگە باسقا ايماقتار قولدا بار توسەك- ورىنمەن جۇمىس ىستەۋدە. بۇگىنگى تاڭدا رەسپۋبليكا بويىنشا توسەك- ورىندار 53 پايىزدى، رەانيماتسيالىق توسەك ورىندارى 43 پايىزدى قۇرايدى»، - دەدى اجار عينيات.