استانادا 16 جاستاعى قىز كوپىردەن سەكىرىپ كەتتى
نۇر- سۇلتان قالاسى پوليتسيا دەپارتامەنتىنىڭ حابارلاۋىنشا، بۇگىن ساعات 11.16 دا « 102» پۋلتىنە «قازاقستان» س ك ماڭىنداعى كوپىردەن ءبىر قىزدىڭ وزەنگە سەكىرگەنى تۋرالى حابارلاما كەلىپ تۇسكەن. وقيعا كەزىندە جاقىن ماڭدا بولعان 38 جاستاعى دەنيس سيندەيەۆ سۋداعى قىزعا كومەككە ۇمتىلادى.
«مەن سول ماڭدا تۇرعانمىن. ءبىر كەزدە ادامدار قىزدىڭ سۋعا سەكىرگەنىن ايتىپ شۋلاپ كەتتى. جاقىنداعاندا سۋ بەتىندە جانتالاسىپ جاتقان قىزدى كوردىم. ويلانباستان سىرت كيىمىمدى شەشىپ، وزەنگە قويىپ كەتتىم»، - دەيدى استانالىق تۇرعىن. قۇتقارۋشى 16 جاستاعى قىزدى جاعاعا شىعارىپ، ونى دارىگەرلەرگە تاپسىردى.
«قازىر ونىڭ ومىرىنە ەشقانداي قاۋىپ جوق. وقيعانىڭ ءمان- جايىن پوليتسەيلەر انىقتاپ جاتىر. ەلوردالىق پوليتسيا دەپارتامەنتىنىڭ باسشىسى ەرجان سادەنوۆ دەنيس سيندەيەۆكە ەرەن ەڭبەگى ءۇشىن العىس ايتىپ، العىس حات پەن باعالى سىيلىق تابىس ەتتى»، - دەپ جازادى نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنەن.