پولشادا 16 جاستاعى قازاقستاندىقتىڭ ولىمىنە بايلانىستى نارازىلىق اكسياسى ءوتتى

None
None
نۇر-سۇلتان. قازاقپارات - پولشا تۇرعىندارى 16 جاستاعى قازاقستاندىقتىڭ ولىمىنە بايلانىستى گۇل شوقتارى مەن شىراقتار قويدى، - دەپ حابارلايدى «ەۋرازيا ءبىرىنشى ارناسى».

وپولە- ليۋبەلسكە قالاسىندا جەرگىلىكتى بەلسەندىلەر نارازىلىق اكسياسىن ۇيىمداستىردى. ولار بولعان جايتقا نارازى. ايتا كەتەيىك، 3-قاراشادا اڭشى 16 جاستاعى قازاقستاندىق ستۋدەنتتى اتىپ ولتىرگەن بولاتىن.

«ول جىگىت باعدارلاماشى بولۋدى ارمانداپ، ءبىزدىڭ ەلىمىزدەگى مىقتى ساراپشىلاردان ءبىلىم الۋعا كەلدى. ەندى ونىڭ ورنىنا ۇيىنە سۇيەگىن اپارا جاتىر. بۇل سۇمدىق قوي!»، - دەيدى نارازىلىق اكسياسىن ۇيىمداستىرۋشى ميحال ۆولنىي.

ميتينگىگە شىققاندار اڭشىلاردىڭ قۇقىعىن شەكتەۋدى، ولارعا ۇنەمى تەكسەرىس جۇرگىزىپ، تۇرعىن ۇيلەردىڭ ماڭىندا قارۋ قولدانۋعا تىيىم سالۋدى تالاپ ەتتى.

«باقىلاۋسىز ارەكەت ەتىپ جۇرگەندەرىن كورىپ وتىرسىزدار. قالاعانىن ىستەيدى، ادامداردى ولتىرەدى! يماناليدىڭ باسىنان وتكەن قايعىلى جاعداي ەشقاشان قايتالانباعانىن قالايمىز»، - دەدى بەلسەندى.

ەسكە سالايىق، 16 جاستاعى قازاقستاندىقتى اتىپ ولتىرگەن اڭشى ستۋدەنتتى قابان دەپ ويلاپ قالعانىن ايتقان. ول 8 جىلعا سوتتالۋى مۇمكىن. ەكىنشى ادام جابىرلەنۋشىگە دەر كەزىندە كومەكتەسپەگەنى ءۇشىن كۇدىككە ىلىنگەن. ول 5 جىلعا سوتتالۋى مۇمكىن.

پولشا اڭشىلار قاۋىمداستىعىنىڭ وكىلدەرى كۇدىكتى قىلمىس جاساعان كەزدە اڭشىلىقپەن ەمەس، براكونەرلىكپەن اينالىسقانىن مالىمدەدى.

سوڭعى جاڭالىقتار